ອາຊ່ຽນຕ້ອງຕິ ການສືບສວນຂອງລາວ ກ່ຽວກັບ ການຫາຍໂຕໄປ ຂອງທ່ານສົມບັດ ສົມພອນ

 

 

ທ່ານສົມບັດ ສົມພອນ ໃນພິທີຮັບລາງວັນ ແມັກໄຊໄຊ ໃນປີ 2005

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
  • ຟັງລາຍງານກ່ຽວກັບ ການຫາຍໂຕຂອງ ທ່ານສົມບັດ ສົມພອນ

 
 
ຫຍໍ້ຫລືຂະຫຍາຍໂຕອັກສອນ 

17.01.2013

ບັນດາ​ຜູ້​ແທນ​ຈາກສະມາຄົມ​ອາ​ຊ່ຽນ ​ຕິຕຽນ​ການ​ສືບສວນ
​ຂອງ​ລັດຖະບານ​ລາວ ກ່ຽວ​ກັບ​ການ​ຫາຍ​ໂຕ​ໄປ​ໃນ​ເດືອນ
​ແລ້ວ​ນີ້ຂອງ ທ່ານ​ສົມບັດ ສົມ​ພອນ ​ນັກ​ເຄື່ອນ​ໄຫວ​ທາງ​ສັງ
ຄົມ​ທີ່​ມີ​ຊື່​ສຽງ​​ໃນ​ລາວ. ລາຍ​ງານ​ຂອງ Gabrielle Paluch
ຜູ້​ສື່​ຂ່າວ​ວີ​ໂອ​ເອ ທີ່​ສົ່ງ​ມາ​ຈາກ​ບາງກອກ ​ເວົ້າ​ວ່າ ຄະນະ​ຜູ້​
ແທນ​ອາ​ຊ່ຽນ​ໄດ້​ສະ​ແດງ​ການ​ຕິຕຽນ ​ແລະຄວາມ​ວິຕົກຂອງ
​ຕົນອອກ​ມາ ​​ໃນ​ວັນ​ພຸດ​ວານ​ນີ້ ຫລັງຈາກ​ການ​ເດີນທາງ​ໄປ
​ຊອກ​ຫາ​ຂໍ້​ມູນ​ຄວາມ​ຈິງ ​ທີ່​ວຽງ​ຈັນ.

ທ່ານສົມບັດ ສົມພອນ ຜູ້ກໍ່ຕັ້ງອົງການທີ່ບໍ່ຂຶ້ນກັບລັດຖະບານ
ອົງການນຶ່ງ ທີ່ ທໍາ​ການປຸກລະດົມໃຫ້ມີການພັດທະນາ ທີ່ຍືນ
ຍົງຢູ່ໃນສປປ.ລາວ ໄດ້ຫາຍ ຕົວໄປໃນນະຄອນຫຼວງວຽງຈັນ
ໃນຂະນະທີ່ທ່ານຂັບລົດກັບ​ເມືອ​ເຮືອນ ເມື່ືອກາງເດືອນທັນ
ວາປີຜ່ານມານີ້. ຮູບວິດີໂອຈາກກ້ອງວົງຈອນປິດ ທີ່ຄອບຄົວ
ຂອງທ່ານສົມບັດໄດ້ຮັບມາ ແລະໄດ້ເອົາລົງ​ເຜີຍ​ແຜ່ທາງອິນເທີເເນັດນັ້ນ ສະ​ແດງ​ໃຫ້​ເຫັນ​ພາບທ່ານສົມບັດ ຖືກພາ​ໂຕໜີໄປຈາກປ້ອມຕໍາຫຼວດແຫ່ງນຶ່ງ ໂດຍຊາຍສອງຄົນທີ່ບໍ່ຮູ້ວ່າ​
ແມ່ນ​ໃຜ ແລະນັບຕັ້ງແຕ່ນັ້ນມາ ກໍຍັງບໍ່ມີ​ຜູ້​ໃດ​ໄດ້ພົບ​ເຫັນທ່ານສົມບັດ ຈົນເທົ່າປັດຈຸບັນນີ້.
 
ທາງການລາວເວົ້າວ່າ ພວກເຂົາເຈົ້າໄດ້ທໍາການສືບສວນສອບສວນການຫາຍຕົວໄປຂອງ
ທ່ານສົມບັດ ແຕ່ກໍບໍ່ໄດ້ຫຼັກຖານຫຼືຂໍ້ມູນພໍປານໃດ. ໃນຈົດໝາຍສະບັບນຶ່ງທີ່ລົງພິມເຜີຍ
ແຜ່ໃນສື່ຕ່າງໆ​ເມື່ອຕົ້ນເດືອນມັງກອນນີ້ ເອກອັກຄະລັດຖະທູດລາວປະຈໍາອົງການສະຫະ ປະຊາຊາດ ທີ່ນະຄອນເຈນີວາ ປະເທດ Switzerland ທ່ານ ຍົງ ຈັນທະລັງສີ ​ໄດ້ຊີ້ແນະ
ວ່າ ການຫາຍຕົວໄປຂອງທ່ານສົມບັດ ອາດເປັນຍ້ອນຂໍ້ຂັດແຍ້ງກັນທາງສ່ວນຕົວ ຫຼືທຸລະ ກິດຫຼາຍກວ່າ.
 
ວຽກ​ງານ​ຂອງທ່ານສົມບັດ ຢູ່​ທີ່ສູນອົບຮົມຮ່ວມພັດທະນາ ຫຼື Participatory Development Training Center ​ແມ່ນ​ມີ​ເປົ້າໝາຍ​ແນ​ໃສ່ ຊ່ວຍ​ເຫລືອ​​​ປະຊາຊົນ​ທຸກ​ຍາກ ​​ແລະ​​ຂັດ​ສົນໃນ​ເຂດ​ຊົນນະ​ບົດຂອງ​ລາວ.
 
ບັນດາ​ນັກ​ເຄື່ອນ​ໄຫວ​ດ້ານ​ສິດທິ​ໄດ້​ພາກັນ​ສະ​ແດງ​ຄວາມ​ເປັນ​ຫ່ວງ​ອອກມາ​ວ່າ ລັດຖະບານ
​ລາວບໍ່​​ໄດ້​ດໍາເນີນການຢ່າງ​ພຽງພໍ​ເພື່ອ​ແກ້​ໄຂ​ບັນຫາອັນ​ລຶກລັບ​ນີ້​ໄດ້. ບາງ​ປະ​ເທດ​ສະມາຊິກ​ຂອງ​ສະມາຄົມ​ອາຊ໋ຽນ ​ເຫັນ​ພ້ອມນໍາ​ ​ກັບ​ຄໍາ​ເຫັນ​ຂອງ​ກຸ່ມ​ນັກ​ເຄຶ່ອນ​ໄຫວ.
 
​ໃນກອງປະຊຸມຖະແຫລງຂ່າວ​ເມື່ອ​ວັນ​ພຸດ​ວານ​ນີ້ ທີ່​ບາງກອກ​ ປະ​ເທດ​ໄທ ຫຼັງ​ຈາກຜູ້ແທນ
ອາຊ່ຽນຄະນະນຶ່ງ ເດີນທາງກັບຄືນຈາກການໄປ​ຊອກ​ຫາຂໍ້​ມູນ​ຄວາມ​ຈິງ​ທີ່ປະເທດລາວນັ້ນ
ທ່ານ Walden Bello ຜູ້ແທນສະພາແຫ່ງຊາດຟີລິບປີນ ແລະສະມາຊິກຄົນນຶ່ງໃນຄະນະ
ຜູ້ແທນ​​ອາ​ຊ່ຽນ ​ທີ່ເດີນທາງໄປວຽງຈັນນັ້ນ ​ເວົ້າ​ວ່າ ລັດຖະບານ​ລາວ​ບໍ່​ສາມາດທີ່ຈະໃຫ້​ຄໍາ​
ຕອບ​ໄດ້ ແມ່ນແຕ່ຕໍ່​ຄໍາ​ຖາມ​ຂັ້ນ​ພື້ນຖານ​ຕ່າງໆ​ຂອງ​ການ​ສືບສວນ​ສອບສວນ ​ແລະ​ພະຍາ
ຍາມ​ປະຕິ​ເສດ​ການ​ພົວພັນ​ໃດໆ​ຂອງ​ຕໍາຫຼວດ. ທ່ານ ເ​ເບ​ລ​ໂລ ​ເວົ້າ​ວ່າ:
 
“​ເຂົາເຈົ້າບອກພວກ​ເຮົາ​ວ່າ ຫຼັງ​ຈາກ​ການສືບສວນ​ສອບ​ສວນ​ມາ​ໄດ້​ນຶ່ງ​ເດືອນ​ແລ້ວ
ສິ່ງ​ນຶ່ງ​ທີ່​ຢັ້ງຢືນ​ໄດ້​ກໍ​ຄື​ຝ່າຍຕໍາຫຼວດ ບໍ່​ມີ​ສ່ວນ​ກ່ຽວຂ້ອງ​ໃດໆ​ກັບ​ການ​ຫາຍ​ຕົວ​ໄປ
​ຂອງ​ທ່ານ​ສົມ​ບັດ
. ພວກ​ເຮົາບອກ​ເຂົາ​ເຈົ້າວ່າ ​ມັນເປັນຄໍາຕອບທີ່ບໍ່​ໜ້າ​ເຊື່ອ​ຖື ​ແລະ​
ຖ້າ​ຫາກ​ພວກເຮົາ​
ຍອມຮັບ​ເອົາຄວາມເຫັນດັ່ງກ່າວ ກ່ຽວ​ກັບ​ຄວາມ​ກ້າວໜ້າຂອງ​
ກໍລະນີ​ນີ້​
 ຕາມທີ່ເຈົ້າໜ້າທີ່ລາວບອກແລ້ວ ພວກເຮົາ​ກໍ​ຈະສູນ​​ເສຍ​ຄວາມ​ເຊື່ອ​ຖື​
ຂອງ​ພວກ​ເຮົາເອງ​ໄດ້.”

 
ທ່ານ Charles Santiago ຜູ້​ຕາງໜ້າ​ສະມາຄົມ​ອາ​ຊ່ຽນ​​ຈາກ​ມາ​ເລ​ເຊຍ ​ເວົ້າ​ວ່າ ອິງ​ຕາມ​ຫຼັກ​ຖານ​ທີ່​ສະ​ແດງ​ໃຫ້ເຫັນ​ນັ້ນ ການ​ສື​ບສວນ​ສອບ​ສວນ ໜ້າ​ຈະ​ໃຊ້​ເວລາ​ພຽງ​ບໍ່​ເທົ່າ​ໃດ​ມື້​​ເທົ່າ​ນັ້ນ ແລະທ່ານຊີ້ໄປໃສ່ຄໍ່​ຊີ້​ແຈງ​ອະທິບາຍ​​ຂອງ​ເຈົ້າໜ້າ​ທີ່​ລັດຖະບານ​ລາວ​ ທີ່ບໍ່​ສອດຄ່ອງກັນແລະ
​ເລື້ອງທີ່ວ່າ ມີແຕ່ຕໍາຫຼວດ​ລະດັບ​ຕໍ່າ​ທີ່ສຸດເທົ່າ​ນັ້ນ ​ທີ່​ໄດ້​ຮັບ​ມອບ​ໝາຍ​ໃຫ້ສືບສວນຄະດີນີ້.
ທ່ານ Santiago ​ເວົ້າ​ວ່າ:  

ມັນຈະແຈ້ງວ່າ ຝ່າຍ​ຕໍາຫຼວດ ​ແລະ​ເຈົ້າໜ້າ​ທີ່​ພົນລະ​ເຮືອນຂອງ​ລັດຖະບານລາວ​
ບໍ່​ມີ​ຄວາມ​ສົນ​ໃຈຢ່າງ​ສິ້ນເຊີງໃນ​ເລຶ່ອງນີ້​ເລີ ບໍ່​ມີ​ຄວາມ​​ເຕັມ​ໃຈ​ໃນ​ທາງ​ການ​ເມືອງ ​
ເພື່ອ​ຈະ​ຄົ້ນ​ຫາ​ຕົ້ນຕໍ​ຂອງ​ບັນຫາ 
ນອກຈາກກ່າວຢູ່​ໃນ​ກອງ​ປະຊຸມ​ທຸກໆ​ບັ້ນ​ກັບພວກ​
ເຮົາວ່າ ພວກ​ເ
ຂົາເຈົ້າຢາກ​ຂຸດ​ຄົ້ນ​ຫາຕົ້ນ​ຕໍ​ຂອງ​ບັນຫາ ເພາະວ່າ​ຄວາມ​ໜ້າ​ເຊື່ອ​ຖື​
ຂອງ​ລັດຖະບານ​ລາວ​ຖືກ​ກະທົບ​ແລ້ວ  ​ແຕ່​​ເມື່ອຖາມ​ວ່າການ​ສືບສວນ​ໄປ​ຮອດ​ຂັ້ນ​
ໃດ​ແລ້ວ ​
ເຂົາເຈົ້າກໍຢືນຢັດເວົ້າ​ແຕ່ຄວາມເກົ່າ​ຢູ່​ພໍ​ປານ​ນັ້ນ ຍ້ອນ​ວ່າຝ່າຍ​ພົນລະ
ເຮືອນ​ຂອງ​ລັດຖະບານ​
 ແທ້ໆ​ແລ້ວ​ ແມ່ນບໍ່ຮູ້ຈັກຫຍັງ​ເລີຍ​ກ່ຽວ​ກັບ​ເລຶ່ອງນີ້. ເພາະ
ສະນັ້ນ ພວກ​ເຮົາ​
ຈຶ່ງໄດ້ກົດດັນໃຫ້ ຍ້າຍການ​ສືບສວນ​ສອບ​ສວນ​ ໄປ​ເປັນພາລະ​
ຂອງ​ທາງ​ກອງ​ທັບ ​ແລະ​ຕໍາຫຼວດ
 ໃນລະດັບ​ສູງສຸດ.”
 
ບັນດາ​ນັກວິ​ເຄາະໃນ​ຂົງ​ເຂດ​ເວົ້າ​ວ່າ ການ​ຫາຍ​ຕົວ​ໄປ​ຂອງ​ທ່ານ​ສົມບັດຄັ້ງ​ນີ້ ຖື​ວ່າ​ເປັນ
ການ​ທົດ​ສອບສໍາລັບ​ກົນ​ໄກ​ດ້ານ​ສິດທິ​ມະນຸດ​ໃໝ່​ຂອງ​ສະມາຄົມ​ອາຊ່ຽນ ຊຶ່ງ​ຄະນະ​ກໍາ
ມະການ​ຄົ້ນ​ຫາ​ຄວາມ​ເປັນ​ຈິງ ຈະ​​ນໍາສະເໜີ​ຄວາມເຫັນ​ ແລະຄໍາແນະນໍາຕ່າງໆ ຕໍ່ຄະນະ
ກໍາມາທິການດັ່ງກ່າວ ຢູ່​ນະຄອນ ຫລວງ Jakarta ຂອງອິນໂດເນເຊຍ.

Categories: Uncategorized

ກອງ​ປະຊຸມ​ສຸດ​ຍອດ ​ເອ​ເຊຍ-ຢູ​ໂຣບ ຄັ້ງທີ 9 ໄຂຂຶ້ນ ທີ່ວຽງຈັນ

ກອງ​ປະຊຸມ​ສຸດ​ຍອດ ​ເອ​ເຊຍ-ຢູ​ໂຣບ ຄັ້ງທີ 9 ໄຂຂຶ້ນ ທີ່ວຽງຈັນ

 

ທ່ານ ຈູມມະລີ ໄຊຍະສອນ ປະທານ​ປະ​ເທດ​ລາວ ກ່າວເປີດພິທີ ​ໄຂກອງ​ປະຊຸມ​ສຸດ​ຍອດ​ ເອເຊຍ-ຢູໂຣບ ຫລື ASEM ຄັ້ງທີ 9 ຢ່າງເປັນທາງການ ໃນວັນຈັນ ທີ 5 ພະຈິກ 2012. ທີ່ນະຄອນຫລວງວຽງຈັນ.

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
 
 
ຫຍໍ້ຫລືຂະຫຍາຍໂຕອັກສອນ 
ຊົງຣິດ ໂພນເງິນ

05.11.2012

ປະທານ​ປະ​ເທດ​ລາວ ​ເຊື່ອ​ໝັ້ນ​ວ່າ ​ກອງ​ປະຊຸມ​ສຸດ​ຍອດ​ເອ​ເຊຍ
-ຢູ​ໂຣບຄັ້ງທີ 9 ຈະ​ບັນລຸ​ຜົນ​ສໍາ​ເລັດ​ເປັນຢ່າງ​ດີ​ ໃນ​ທຸກໆ​ດ້ານ​
ກັບ​ທັງ​ຍັງ​ຈະ​ເປັນ​ການ​ຮ່ວມ​ມື​ກັນ​ໃນການພັດທະນາ​ຢ່າງ​ຍືນ​ຍົງ ອີກ​ດ້ວຍ.
 
ທ່ານ​ຈູມ​ມະ​ລີ ​ໄຊ​ຍະ​ສອນ ປະທາ​ນປະ​ເທດ​ລາວ ​ໄດ້​ສະ​ແດງ
ຄວາມ​ເຊື່ອ​ໝັ້ນ​ໃນໂອກາດ​ເປັນ​ປະທານ​ໃນ​ພິທີ​ເປີດ​ກອງ​ປະຊຸມ​
ສຸດ​ຍອດ​ເອ​ເຊຍ-ຢູ​ໂຣບ ASEM ຄັ້ງທີ 9 ຊຶ່ງ​ລັດຖະບານລາວ
​ເປັນ​ເຈົ້າພາບ​ຈັດ​ຂຶ້ນຢ່າງ​ເປັນ​ທາງ​ການ ​ໃນ​ວັນ​ທີ 5 ພະຈິກ​ນີ້ ​
ຢູ່​ນະຄອນ​ວຽງ​ຈັນວ່າ ​ກອງ​ປະຊຸມຄັ້ງ​ນີ້​ຈະ​ໄດ້​ຮັບ​ຜົນ​ສໍາເລັດ​
ເປັນ​ຢ່າງ​ດີ​ໃນ​ທຸກໆ​ດ້ານ ກັບ​ທັງ​ຍັງ​ຈະ​ເປັນ​ໝາກຜົນ​ທີ່​ນໍາໄປ
​ສູ່ການ​ຮ່ວມ​ມື​ກັນ​ເພື່ອ​ການ​ພັດທະນາ​ຢ່າງ​ຍືນ​ຍົງ​ລະຫວ່າງ
ເອ​ເຊຍກັບ​ຢູ​ໂຣບ ທັງ​ໃນ​ປັດຈຸບັນ ​ແລະ​ອະ​ນາ​ຄົດ​ອີກດ້ວຍ ດັ່ງ
​ທີ່​ທ່ານ​ໄດ້​ໃຫ້ການ​ຢືນ​ຢັນ​ວ່າ:
 
ຂ້າພະ​ເຈົ້າ​ເຊື່ອ​ໝັ້ນ​ວ່າ ການ​ປຶກສາ​ຫາ​ລືລະດັບ​ສູງ​ໃນ​ກອງ​ປະຊຸມ ASEM 9 ຄັ້ງນີ້​ຈະ​ປະສົບ​ຜົນ​ສໍາ​​ເລັດ​ຢ່າງ​ຈົບງາມ ​ແລະ​ບັນລຸ​ເປົ້າໝາຍ​ໃນ​ການ​ສົ່ງ​ເສີມ​ສັນຕິພາບ​ ການ​ຮ່ວມ​ມື ການ​ພັດທະນາ ​ໂດຍ​ປິ່ນ​ອ້ອມ​ຄໍາ​ຂວັນ​ຂອງ​ກອງ​ປະຊຸມ​ສຸດຍອດ​ຄັ້ງ​ນີ້ວ່າ ​ເພື່ອນ​ມິດ ​ເພື່ອ​ສັນຕິພາບ ຄູ່​ຮ່ວມ​ມື​ເພື່ອ​ຄວາມ​ອຸດົມສົມບູນ​ພູນ​ສຸກ. ​ໃນ​ໂອກາດ​ອັນ​ເປັນ​ເລີກ​ງາມ​ຍາມ​ດີ​ນີ້ ຂ້າພະ​ເຈົ້າຂໍ​ປະກາດ​ເປີດ​ກອງ​ປະຊຸມ ASEM ຄັ້ງ​ທີ 9 ຢ່າງ​ເປັນ​ທາງ​ການ​ ນັບ​ແຕ່​ເວລານີ້​ເປັນ​ຕົ້ນ​ໄປ.”
 
ບັນດາຜູ້ແທນທີ່ເຂົ້າຮ່ວມກອງປະຊຸມ ASEM ຄັ້ງທີ 9 ທີ່ວຽງຈັນ

​​
​ເຂົ້າຮ່ວມ​ກອງ​ປະຊຸມ ASEM ຄັ້ງ​ນີ້​ກໍ​ປະກອບ​ດ້ວຍ​ຜູ້​ນໍາ​ທີ່​ເປັນປະມຸກ​ລັດ​ຈາກ 10 ປະ​ເທດ ຜູ້​ນໍາ​ລັດຖະບານ​ຈາກ 22 ປະ​ເທດ ຮອງ​ນາຍົກລັດຖະມົນຕີຈາກ 1 ປະ​ເທດ ລັດຖະມົນຕີ​ຈາກ 14 ປະ​ເທດ ​ເອກອັກຄະ​ລັດຖະທູດ​ຈາກ 2 ປະ​ເທດ ​ພ້ອມ​ດ້ວຍ​ເລຂາທິການ​ກຸ່ມ​ອາ​ຊ່ຽນ ປະທານຄະນະ​ມົນຕີ​ສະຫະພາບ​ຢູ​ໂຣບ​ ແລະ​ປະທານ​ຄະນະ​ກໍາມາ​ທິການ​ສະຫະພາບ​ຢູ​ໂຣບ ​ຊຶ່ງ​ກໍ​ໝາຍ​ຄວາ​ມວ່າ​ ມີ​ຄະນະ​ຜູ້​ແທນ 52 ຄະນະ​ຈາກ 49 ປະ​ເທດ ກັບ 3 ອົງການລະຫວ່າງ​ປະ​ເທດ​ຈາກ​ສອງ​ທະວີບ ​ເຂົ້າຮ່ວມ​ໃນ​ກອງ​ປະຊຸມ​ພາຍ​ໃຕ້​ຫຼັກການໃຫຍ່​ທີ່​ວ່າ “​ເພື່ອນ​ມິດ​ເພື່ອ​ສັນຕິພາບ ຄູ່​ຮ່ວມ​ມື​ເພື່ອ​ຄວາມ​ສົມບູນ​ພູນ​ສຸກ” ນັ້ນ​ເອງ.
 
​ອິງ​ຕາມ​ເອກ​ກະສາ​ນ​ເຜີຍ​ແຜ່​ຂອງ​ທາງ​ການ​ລາວ ​ໃນ​ຖານະ​ເຈົ້າພາບ​ຈັດ​ກອງ​ປະຊຸມ​ຄັ້ງ​ນີ້ ກໍ​ໄດ້​ລະບຸ​ວ່າ​ສາລະ​ສໍາຄັນ ທີ່​ບັນດາ​ເຈົ້າໜ້າ​ທີ່​ອາວຸ​ໂສ​ເອ​ເຊຍ-ຢູ​ໂຣບ​ໄດ້ ​ໃຫ້​ຄວາມ​ສໍາ ຄັນເປັນ​ພິ​ເສດ​ ກໍ​ຄື​ປະ​ເດັນ​ການ​ເຈລະຈາ​ທີ່​ວ່າ​ດ້ວຍ​ບັນຫາ​ວິ​ກິດການເສດຖະກິດ​ແລະ​ການ​ເງິນ​ສາກົນ ບັນຫາ​ຄຸ​ກ​ຄາມ​ຕ່າງໆ ​ທີ່​ທ້າທາຍ​ຕໍ່​ຄວາມ​ໝັ້ນຄົງ​ທັງ​ໃນ​ລະດັບ​ພູມີພາກ​ແລະ​ລະດັບ​ໂລກ ​ແນວທາງ​ຂອງ​ການຮ່ວມ​ມື​ໃນ​ອະນາຄົດ​ລະຫວ່າງ​ເອ​ເຊຍ​ກັບ​ຢູ​ໂຣບ ການ​ຮ່ວມ​ມື​ທາງ​ດ້ານ​ສັງ​ຄົມ​ວັດ​ທະ​ນາ​ທໍາ ​ແລະ​ເອກ​ກະສາ​ນສໍາຄັນ​ອີກ 2 ສະບັບ ທີ່​​ບັນດາ​ຜູ້​ນໍາເອ​ເຊຍ-ຢູ​ໂຣບ ຈະ​ໄດ້ຮັບຮອງ​ເອົາ​ຢ່າງ​ເປັນ​ທາງ​ການ ກໍ​ຄື​ຖະ​ແຫຼ​ງການ​ວຽງ​ຈັນ​ວ່າ​ດ້ວຍ​ການ​ຮັດ​ແໜ້ນ ການ​ເປັນ​ຄູ່​ຮ່ວມ​ມື​ເພື່ອ​ສັນຕິພາບ ​ແລະ​ການ​ພັດທະນາ ກັບ​ຄໍາ​ຖະ​ແຫຼ​ງຂອງ​ປະທານ​ກອງ​ປະຊຸມ​ສຸດ​ຍອດ​ຜູ້​ນໍາ​ເອ​ເຊຍ-ຢູ​ໂຣບ ຄັ້ງ​ທີ 9 ພ້ອມ​ກັນ​ນີ້ ກອງ​ປະຊຸມ​ຍັງ​ໄດ້​ມີ​ມະຕິ​ຢ່າງ​ເປັນ​ເອກ​ກະສັນ ​ໃນ​ການ​ຮັບຮອງ​ເອົາ​ສະມາຊິກ​ໃໝ່​ອີກ 3 ປະ​ເທດ ກໍ​ຄື​ບັງ​ກະລາ​ແດັສ ນໍ​ເວ ​ແລະ​ສະ​ວິດ​ເຊີ​​ແລນ​ດ໌ ຕາມ​ລໍາດັບ.
 

ທ່ານທອງສິງ ທໍາມະວົງ ນາຍົກລັດຖະມົນຕີລາວ ກ່າວຄໍາປາໄສ ໃນພິທີເປີດກອງ​ປະຊຸມ ASEM ຄັ້ງ​ທີ 9

​​
ກອງ​ປະຊຸມ ASEM ຄັ້ງ​ທີ 9 ທີ່​ລັດຖະບານ​ລາວ​ເປັນ​ເຈົ້າພາບ
​ດັ່ງ​ກ່າວນີ້ ຈະດໍາເນີນ​ໄປ​ຈົນ​ເຖິງ​ວັນ​ທີ່ 6 ພະຈິກ ​ໂດຍ​ພິທີ​ປິດ
​ກອງ​ປະຊຸມ​ຈະ​ມີ​ຂຶ້ນຢ່າງ​ເປັນ​ທາງ​ໃນ​ຕອນ​ແລງ​ຂອງມື້​ດັ່ງກ່າວ.
 
ທາງ​ດ້ານ​ເຈົ້າໜ້າ​ທີ່​ຂັ້ນ​ສູງ​ໃນ​ກະຊວງ​ປ້ອງ​ກັນ​ຄວາມ​ສະຫງົບ​
ພາຍ​ໃນ​ລາວ​ກໍ​ໄດ້​ໃຫ້ການ​ຢືນຢັນ​ວ່າ ການ​ດໍາ​ເນີນ​ມາດ​ຕະການ
​ຕ່າງໆ ເພື່ອ​ຮອງ​ຮັບ​ກອງ​ປະຊຸມ ASEM ຄັ້ງ​ທີ 9 ​ໄດ້​ຕຽມ​ພ້ອມ​
ໃນ​ທຸກ​ດ້ານ​ແລ້ວ ​ແລະ​ກໍ​ເຊື່ອ​ໝັ້ນ​ວ່າ​ ຈະ​ສາມາດ​ຮັບປະກັນ
ຄວາມ​ປອດ​ໄພ ​ແລະ​ຮັກສາ​ຄວາມ​ສະຫງົບ​ຮຽບຮ້ອຍ​ ໃຫ້​ແກ່
ກອງ​ປະຊຸມ ​ໄດ້​ 100 ​% ​ເຕັມ.
 
ທັງ​ນີ້​ ​ທາງ​ການ​ກະຊວງ​ປ້ອງ​ກັນ​ຄວາມ​ສະຫງົບ​ພາຍ​ໃນ​ລາວ ​ໄດ້​ດໍາ​ເນີນ​ມາດ​ຕະການ
​ກວດກາ ​ການ​ເດີນທາງ​ເຂົ້າ-ອອກປະ​ເທດ​ລາວ ​ໂດຍ​ສະ​ເພາະ​ແມ່ນ​ການເດີນທາງ​ເຂົ້າ​ໄປ​ໃນ​ເຂດ​ນະຄອນ​ວຽງ​ຈັນ​ຂອງ​ທັງ​ຄົນ​ລາວ ​ແລະ​ຊາວ​ຕ່າງ​ຊາດ​ຢ່າງເຂັ້ມ​ງວດ ​ແລະ​ພ້ອມ​ກັນ​ນັ້ນ​ ກໍ​ໄດ້​ຈັດ​ໃຫ້​ມີ​ການວາງ ​ເວນຍາມ​ທຸກ​ບ້ານ​ຕະຫຼອດ 24 ຊົ່ວ​ໂມງ​ ໃນ​ທົ່ວ​ເຂດ​ນະຄອນ​ວຽງ​ຈັນ​ອີກ​ດ້ວຍ ຊຶ່ງ​ກໍ​ຖື​ວ່າ ​ເປັນ​ມາດ​ຕະການ​ທີ່​ກະຊວງ​ປ້ອງ​ກັນ​ຄວາມ​ສະຫງົບ​ພາຍ​ໃນ​ລາວ​ ໄດ້​ປະຕິບັດ​ຢ່າງ​ມີ​ປະສິດທິພາບ​ມາ​ໃນ​ທຸກໆ​ຄັ້ງ​ ທີ່​ມີ​ການຈັດ​ງານ​ລະດັບ​ຊາດ ​ແລະ​ໃນ​ລະດັບ​ນານາ​ຊາດ​ຢູ່​ແລ້ວ.
 
ທັງ​ນີ້​ກໍ​ເປັນ​ໄປ​ຕາມ​ຄໍາ​ສັ່ງ​ຂອງທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີ ທີ່ໄດ້​ມີ​ຄໍາ​ສັ່ງ​ໃຫ້
ໜ່ວຍ​ງານ​ຕ່າງໆ​ ຂອງ​ລັດຖະບານ ​ແລະ​ທຸກ​ພາກສ່ວນ​ທີ່​ກ່ຽວຂ້ອງ​ໃນ​ທົ່ວ​ປະ​ເທດ​ ຕ້ອງ​
ຮ່ວມ​ມື​ກັນ​ເຂົ້າ​ໃນ​ການ​ກວດ​ລ້າງ​ປາກົດການ​ຫຍໍ້​ທໍ້ ​ແລະ​ບັນຫາ​ໄພ​ສັງຄົມ​ໃນ​ທຸກຮູບ​ແບບ ຢ່າງ​ເຂັ້ມ​ງວດ ນັບ​ແຕ່​ເດືອນ​ມີນາ​ເປັນ​ຕົ້ນ​ມາ​ແລ້ວ ທັງ​ນີ້​ກໍ​ເພື່ອ​​ຮັບປະກັນ​ໃຫ້​ໄດ້ວ່າ​ ຈະ​ບໍ່​ມີ​ປາກົດ
ການ​ຫຍໍ້​ທໍ້ ​ແລະບັນຫາ​ໄພ​ສັງຄົມ​ເກີດຂຶ້ນ ​ໃນ​ໂອກາດ​ທີ່​ລັດຖະບານ​ລາວ​ເປັນ​ເຈົ້າພາບ​ຈັດ​ກອງ​ປະຊຸມ ASEM ຄັ້ງ​ນີ້ຢ່າງ​ເດັດຂາດ.

Categories: Uncategorized

ລາວວ່າ ຕົນຈະຂາດດຸນ ງົບປະມານ ຫຼາຍກວ່າ 480 ລ້ານໂດລາ

ວັນພະຫັດ, 11 ຕຸລາ 2012

ລາວ

 

ລັດຖະບານ​ລາວ​ວ່າ ຕົນຈະ​ປະ​ເຊີນ ​ກັບ​ການ​ຂາດ​ດຸນ​ງົບປະມານ ຫລາຍກວ່າ 480 ລ້ານ​ໂດ​ລາ ​ໃນ​ແຜນການ​ປີ 2012-2013 ຫຼື​ເກືອບຮອດ 5% ຂອງຍອດ​ຜະລິດ​ຕະພັນ ​ລວມພາຍ​ໃນ​ປະ​ເທດ.

ກອງປະຊຸມບັ້ນນຶ່ງ ຂອງສະພາແຫ່ງຊາດລາວ

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
 
 
ຫຍໍ້ຫລືຂະຫຍາຍໂຕອັກສອນ 

18.09.2012

ທ່ານ​ພູ​ເພັດ ຄໍາ​ພູນ​ວົງ ລັດຖະມົນຕີ​ວ່າການ​ກະຊວງ​ການ​ເງິນ
ໄດ້ຖະ​ແຫຼ​ງຍອມຮັບວ່າ​ ໃນ​ແຜນການ​ປະ​ຈໍາປີ 2012-2013
ທີ່​ຈະ​ເລີ່​ມລົງ​ມື​​ຈັດ​ຕັ້ງປະຕິບັດ ​ນັບ​ຈາ​ກ ​ເດືອນ​ຕຸລາ 2012 ​ໄປ
​ເຖິງ​ທ້າຍ​ເດືອນ​ກັນ​ຍາ 2013 ນັ້ນ ສະພາ​ແຫ່ງ​ຊາດ​ໄດ້ອະນຸມັດ
​ງົບປະມານ​ລາຍ​ຈ່າຍ​​ໃຫ້​ກັບ​ລັດຖະບານ​ລາວ ​ໃນ​ວົງ​ເງິນ​ລວມ
23,385 ຕື້ ກີບ ​ແລະ​ໃນ​ຂະນະ​ດຽວ​ກັນ ລັດຖະບານ​ລາວ​ກໍ​ຄາດ
​ວ່າ​ຈະ​ສາມາດ​ຈັດ​ເກັບ​ລາຍຮັບ​ເຂົ້າງົບປະມານ​​ໄດ້ ​ໃນ​ມູນ​ຄ່າ​ລວມບໍ່​ເກີນ 19,543 ຕື້​ກີບ ຊຶ່ງ​ຈະ​​ເປັນ​ຜົນ​ເຮັດ​ໃຫ້ລັດຖະບານ​ລາວ​ຕ້ອງ​ປະ​ເຊີນ​ກັບ​ການ​ຂາດ​ດຸນ​ງົບປະມານ ​ຄິດ​ເປັນ​ມູນ​ຄ່າ​ລວມ ບໍ່​ໜ້ອຍ​ກວ່າ 3,842 ຕື້​ກີບ ຫຼື​ປະມານ 480 ລ້ານ​ໂດ​ລາ.
 
​​ການ​ຂາດ​ດຸນ​ດ້ານ​ງົບປະມານ​ໃນ​ມູນ​ຄ່າ​ດັ່ງກ່າວ ຄື​ເປັນ​ການ​ຂາດ​ດຸນ​ທີ່​ເພີ່ມ​ຂຶ້ນຈາກ​ແຜນການ​ປະ​ຈໍາປີ 2011-2012 ​ໃນ​ລະດັບ​ທີ່​ສູງ​ພໍ​ສົມຄວນ ຊຶ່ງມີ​ສາ​ເຫດ  ມາ​ຈາກ​ການ​ທີ່​ລັດຖະບານ​ລາວ​ສາມາດ​ດໍາລົງ​ຊີບ​ຢູ່​ໄດ້​ໃນ​ທ່າມກາງ​ສະພາວະ​ຄ່າ ຄອງ​ຊີບ​ທີ່​ປັບ​ຕົວ​ສູງ​ຂຶ້ນຢ່າງ​ຕໍ່​ເນື່ອງ.
 
​ແຕ່​ຢ່າງ​ໃດ​ກໍ​ຕາມ ທ່ານ​ພູ​ເພັດ ກໍ​ຢືນຢັນ​ວ່າການ​ທຂາດ​ດຸນ​ງົບປະມານ​ໃນ​ລະດັບ ດັ່ງກ່າວ​ນີ້ ຍັງ​ບໍ່​ຖື​ວ່າ​ຢູ່​ໃນ​ລະດັບ​ຂັ້ນ​ອັນຕະລາຍ ​ເພາະວ່າ​ຕາມ​ຫຼັກການ​ສາກົນ ​ແລ້ວ​ລັດຖະບານ​ຂອງ​ແຕ່ລະ​ປະ​ເທດ​ຈະ​ສາມາດ​ຂາດ​ດຸນ​ດ້ານ​ງົບ​ປະມານ​ໄດ້​ໃນ​ລະ ດັບ​ບໍ່​ເກີນ 5% ຂອງ​ຍອດ​ຜະລິດ​ຕະພັນ​ລວມພາຍ​ໃນ (GDP) ຫາກ​ແຕ່​ສໍາລັບ​ການ​ຂາດ​ດຸນ​ງົບປະມານ​ຂອງ​ລັດຖະບານ​ລາວ​ດັ່ງກ່າວ​ນີ້​ກໍ​ຍັງ​ທຽບ​ໄດ້​ກັບ 4.7% ​ເທົ່າ​ນັ້ນ ຈຶ່ງ​ຖື​ວ່າ​ຍັງ​ຄົງ​ຢູ່​ໃນ​ເກນ​ມາດຕະຖານ​ນັ້ນ​ເອງ.
 
ຫາກ​​ແຕ່​ວ່າ​ກໍລະນີ ທີ່​ໜ້າ​ເປັນ​ຫ່ວງ​ສໍາລັບ​ລັດຖະບານ​ລາວ​ໃນ​ເວລາ​ນີ້ ກໍ​ຄື​ການຈັດ​ເກັບ​ລາຍ​ຮັບ​​ເຂົ້າງົບປະມານ​ທີ່​ບໍ່​ເປັນ​ໄປ​ຕາມ​ແຜນການ​ທີ່​ວາງ​ເອົາ​ໄວ້ ​ໂດຍ​ສໍາລັບ ໃນ​ໄລຍະ 8 ​ເດືອນ​ທີ່​ຜ່ານ​ມາ​ຂອງ​ແຜນການ​ປີ 2011-2012 ນີ້ ລັດຖະບານ​ລາວ​ສາມາດ​ຈັດ​ເກັບ​ລາຍ​ຮັບ​ຈາກ​ພາສີ​ອາກອນ​ການ​ຄ້າ​ຂາ​ອອກ-ຂາ​ເຂົ້າ​ໄດ້​ໃນ​ອັດຕາ​ສະ​ເລ່ຍ 80.36% ຫຼື​ຕໍ່າ​ກວ່າ​ເປົ້າໝາຍ​ທີ່​ວາງ​ໄວ້​ເກືອບ 20% ຊື່​ງມີ​ສາ​ເຫດ​ສໍາຄັນ​ປະການ ນຶ່ງມາ​ຈາກ​ການ​ຫຼົບ​ຫຼີກການ​ຊໍາລະ​ພາສີ​ອາກອນ​ເກີດ​ຂຶ້ນຢ່າງ​ກວ້າງຂວາງ.
 
ທັງ​ນີ້​ໂດຍ ທ່ານ ພູ​ເພັດ ​ໄດ້​ໃຫ້ການ​ຢືນຢັນ​ວ່າ ​ໃນ​ບັນດາ​ວິ​ສາ​ຫະກິດ​ທັງ​ໝົດ​ທີ່ ດໍາ​ເນີນ​ທຸລະ​ກິດ​ການ​ຄ້າ​ຂາ​ອອກ-ຂາ​ເຂົ້າ​ໃນ​ລາວ​ໃນ​ປັດຈຸບັນ​ນີ້ ກໍ​ຄິດ​ເປັນ​ສັດ   ສ່ວນ​ເຖິງ 90% ທີ່​ໄດ້​ແຈ້ງ​ຂໍ້​ມູນ​ການ​ຄ້າ​ທີ່​ບໍ່​ເປັນ​ຈິງ ດ້ວຍ​ຫວັງ​ວ່າ​ຈະ​ເຮັດ​ໃຫ້ມີ ຜົນ​ກໍາ​ໄລ​ຫຼາຍ​ຂຶ້ນ ​ແລະ​ການ​ທີ່​ບັນດາ​ວິ​ສາ​ຫະກິດ​ຕ່າງໆ​ສາມາດ​ແຈ້ງ​ຂໍ້​ມູນ​ທີ່​ເປັນ ຈິງ​ດັ່ງກ່າວ​​ໄດ້​ໂດຍ​ບໍ່​ຢ້ານ​ກົວ​ຕໍ່​ຄວາມ​ຜິດ​ນັ້ນ ກໍ​ຍ້ອນ​ວ່າ​ໄດ້​ຮັບ​ການ​ຮ່ວມ​ມື​ກັບ ບັນດາ​ພະນັກງານ​ລັດ​ທີ່​ຫວັງ​ຜົນ​ປະ​ໂຫຍ​ດຕອບ​ແທນ​ເປັນ​ການ​ສ່ວນ​ຕົນ​ນັ້ນ​ເອງ ດັ່ງ​ທີ່​ທ່ານພູ​ເພັດ ​ໄດ້​ຢືນ​ຢັນ​ວ່າ:
 
ທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນ

​​
“ກົນ​ໄກ​ການ​ຄຸ້ມ​ຄອງ​ຍັງ​ບໍ່​ທັນ​ຮັດກຸມ​ເທົ່າ​ທີ່​ຄວນ ​ເປັນ​
ຕົ້ນ​ການ​ຄຸ້ມ​ຄອງ​ມູນ​ຄ່າ​ການ​ແຈ້ງ​ພາສີ​ບໍ່​ເປັນ​ໄປ​ຕາມ​
ລາຄາ​ຕົວ​ຈິງ ຈຶ່ງ​ເຮັດ​ໃຫ້ການ​ເກັບ​ອາກອນ​ຕ່າງໆ​ຢູ່​ໃນ
ຂອດ​ການ​ນໍາ​ເຂົ້າກໍ​ຕົກ​ເຫ່ຍ​ເສຍ​ຫາຍ​ໄປ​ນໍາ ນອກ​ຈາກ
​ນັ້ນ ​ກໍ​ຍັງ​ມີ​ການ​ລັກລອບ ຫຼົບ​ຫຼີກພາສີ​​ທັງ​ໃນ​ດ້ານ​ແລະ
​ທັງ​ນອກ​ດ້ານ​ການ​ລະ​​ເມີດ​ກົດໝາຍ​ ແລະ​ລະບຽບ​ການ
ພາສີ​ຍັງ​ມີ​ມີ​ຫຼວງ​ຫຼາຍ ຊຶ່ງ​ສະ​ແດງ​ອອກ​ໃນ​ປັດຈຸບັນ​ນີ້​
ມີ​ຄະດີ​ກ່ຽວ​ກັບ​ພາສີ​ ມີ​ຈໍາ ນວນ​ທັງ​ໝົດ 2,014 ຄະດີ.

 
ພ້ອມ​ກັນ​ນີ້ ທ່ານ​ພູ​ເພັດ ຍັງ​ຍອມຮັບ​ດ້ວຍ​ວ່າ​ລັດຖະບານ​ລາວ​ສາມາດ​ຈັດ​ເກັບ​ລາຍຮັບ​ຈາກ​ພາສີ​ທີ່​ດິນ​ໄດ້​ຕໍ່າ​ກວ່າ​ເປົ້າໝາຍ​ເຊ່ນ​ດຽວ​ກັນ ກໍ​ຄື​ໃນ​ຂະນະ​ທີ່​ລັດຖະ ບານ​ລາວ​ໄດ້​ວາງ​ເປົ້າໝາຍ​ທີ່​ຈະ​ຈັດ​ເກັບ​ລາຍ​ຮັບ​ຈາກ​ພາສີ​ທີ່​ດິນ ​ໃນ​ຕະຫຼອດ​ແຜນ ການ​ປີ 2011-2012 ທີ່​ຈະ​ສິ້ນ​ສຸດ​ລົງ​ໃນ​ທ້າຍ​ເດືອນ​ກັນ​ຍາ​ນີ້ ລັດຖະບານ​ລາວ​ຍັງ ສາມາດ​ຈັດ​ເກັບ​ລາຍ​ຮັບ​ຈາກ​ພາສີ​ທີ່​ດິນ​ໄດ້​ພຽງ 52.8 ຕື້​ກີບ ຫຼື​ທຽບ​ໄດ້​ກັບ 40% ຂອງ​ແຜນການ​ຕະຫຼອດ​ປີ​ເທົ່າ​ນັ້ນ.

Categories: Uncategorized

​ມະຫະກໍາຮູບ​ເງົາ​ອາ​ຊ່ຽນ​ ປີ 2012 ຢູ່​ແຂວງ​ຫຼວງ​ພະ​ບາງ ​ຈະຈັດຂຶ້ນ ໃນເດືອນທັນວາ​ນີ້

ຄົນເບິ່ງຮູບເງົາ ຢູ່ໂຮງສາຍຮູບເງົາແຫ່ງນຶ່ງ ທີ່ຫຼວງພະບາງ

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
 
 
ຫຍໍ້ຫລືຂະຫຍາຍໂຕອັກສອນ 
ຊົງຣິດ ໂພນເງິນ

03.10.2012

​ມະຫະກໍາຮູບ​ເງົາ​ອາ​ຊ່ຽນ​ປະ​ຈໍາປີ 2012 ຢູ່​ແຂວງ​ຫຼວງ​ພະ​ບາງ ກໍານົດ​ທີ່​ຈະ​ມີ​ຂຶ້ນ ​ໃນ​ວັນ​ທີ່ 1-5 ​ເດືອນ​ທັນວາ​ນີ້ ​ໂດຍ​ທີ່​ທາງ​ການ​ສະຫະລັດ​ກໍ​ໄດ້​ປະກອບ​ສ່ວນ​ດ້ວຍ ການ​ໃຫ້ການ​ຊ່ວຍ​ເຫຼືອ​ຫຼາຍ​ຂຶ້ນ.

​ເຈົ້າໜ້າ​ທີ່​ຫ້ອງການ​ຖະ​ແຫຼ​ງຂ່າວ-ວັດທະນະ​ທໍາ ​ແລະ​ທ່ອງ​ທ່ຽວ​ແຂວງ​ຫຼວງ​ພະ​ບາງ​ໄດ້​ເປີດ​ເຜີຍ​ໃຫ້​ຮູ້​ວ່າ​ງານ​ມະຫະກໍາຮູບ​ເງົາ​ໃນ​ພູມິ​ພາກ​ເອ​ເຊຍ​ຕາ​ເວັນ​ອອກສຽງ​ໃຕ້ ຫຼື​ອາ​ຊ່ຽນ​ປະ​ຈໍາປີ 2012 ມີ​ກໍານົດ​ທີ່​ຈະ​ໄຂ​ຂື້ນ​ຢ່າງ​ເປັນ​ທາງ​ການ ​ໃນ​ລະຫວ່າງ​ວັນ​ທີ່ 1-5 ​ເດືອ​ນ ທັນວາ​ນີ້ ​ໂດຍ​ຈະ​ມີ​ບັນດາ​ຜູ້​ສ້າງ​ຮູບ​ເງົາ​ຈາກ​ທັງ 10 ປະ​ເທດ​ສະມາຊິກ​ຂອງ​ອາ​ຊ່ຽນ​ນໍາ​ເອົາ​ຮູບ​ເງົາ​ຫຼາຍ​ກວ່າ 30 ​ເລື້ອງ
ມາສະ​​ແດງ ​ໃນ​ງານ​ຄັ້ງນີ້ ​ແລະ​ໃນ​ນີ້​ກໍ​ລວ​ມ​ເຖິງ​ຮູບ​ເງົາ​ທີ່​ສ້າງ​ໂດຍ​ຜູ້​ຜະລິດ​ພາຍ​ໃນ​ລາວ​ຈໍານວນ 5 ​ເລື້ອງດ້ວຍ​ກັນ.
 
ທາງ​ດ້ານ Mr. Gabriel Pukerman ຜູ້​ຮັບຜິດຊອບ​ການຈັດ​ງານ​ມະຫະກໍາຮູບ​ເງົາ​ໃນ​ປີ​ນີ້ ກໍ​ຄື​ຈະ​ມີ​ການສະ​ເໜີ​ຮູບ​ເງົາ​ເລຶ່ອງສັ້ນ​ເປັນ​ປີ​ທໍາ​ອິດ​ໃນ​ງານ​ດ້ວຍ ຊຶ່ງ​ໃນ​ນີ້​ກໍ​ລວມ​ເຖິງຮູບ​ເງົາ​ກາ​ຕູນ​ທີ່​ສ້າງສັນ​ຈາກ​ດິນ​ນໍ້າມັນ​ທີ່​ເປັນ​ຜົນງານ​ຂອງຄົນ ລາວ​ແລະ​ມີ​ເນື້ອ​ຫາ​ສາລະ​ໄປ​ໃນ​ດ້ານຂອງ​ການ​ປຸກລະດົມ​ເພື່ອ​​ເສີມ​ສ້າງ​ຄວາ​ມຮູ້ ຄວາມ​ສາມາດ​ເຂົ້າ​ໃຈ​ຢ່າງ​ຖືກຕ້ອງ​ໃນ​ດ້ານ​ຕ່າງໆ​ໃຫ້​ກັບ​ປະຊາຊົນ​ລາວ ​ເຊັ່ນ ຄວາມ​ຮູ້​ຄວາມ​​ເຂົ້າ​ໃຈ​ໃນ​ໂພຊະ​ນາ​ການ​ສໍາລັບ​ເຍົາວະ​ຊົນ ຊຶ່ງ​ໄດ້​ຮັບ​ການ​ສະໜັບ ສະ​ໜຸນ​ຈາກ​ສະຖານທູດ​ສະຫະລັດ​ອະ​ເມຣິກາ​ປະ​ຈໍາ​ລາວ ​ເປັນ​ຕົ້ນ.
 ​​
​​

ສຸລິຍະ​ ພູມິ​ວົງ

​​
ດັ່ງ​ທີ່​ທ່ານ ສຸລິຍະ​ ພູມິ​ວົງ ສິນລະປິນ​ລາວ​ຜູ້​ນຶ່ງ​ທີ່​ໄດ້​ຮັບ​ການ​ສະໜັບສະໜຸນ​ດັ່ງກ່າວ​ຈາກ​ທາງ​ການ​ສະຫະລັດ ​ໄດ້​ໃຫ້ການ​ອະທິບາຍ​ວ່າ:
 
“​ເລຶ່ອງທີ່​ວ່າ​ຫາ​ກໍ​ສໍາ​ເລັດ​ໄປ​ໃນ​ລະຫວ່າງ​ຕົ້ນ​ເດືອນ​ທີ່​ຜ່ານ​ມາ​ນີ້ ກໍ​ແມ່ນ​ເຮັດ​ກັບ ສະຖານທູດ​ອະ​ເມຣິກາ​ເນາະ ​ແລະ​ກັບ Luang Prabang Film Festival ກະ​ໄດ້​ເຮັດ​ເປັນ​ສະປອດ​ໂຄສະນາ​ສັ້ນໆ ກ່ຽວ​ກັບ​ພື້ນຖານ​ຂອງ​ສານ​ອາຫານ​ທີ່​ວ່າ​ເດັກ ນ້ອຍ​ຄວນ​ຈະ​ໄດ້​ຮັບ ​ນອກ​ເໜືອ​ຈາກ​ນັ້ນ​ກໍ​ມີ​ເປັນ​ຄ້າຍໆ​ກັບ Animation Art ​ເນາະ ​ເພາະ​ເປັນ​ສິນລະປິນ​ເນາະ ​ເຮັດ​ອອກ​ມາ​ກະ​ຢາກ​ໃຫ້​ມັນ​ທີ່​ວ່າ​ເບິ່ງ​ຈັ່ງ​ໃດ໋​ໃຫ້ ມັນ​ເປັນ​ຕົວ​ເຈົ້າຂອງ.”
 
ກ່ອນ​ໜ້າ​ນີ້ ທ່ານ​ນາງ Karen Stewart ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາ ລາວ​ໄດ້​ຖະ​ແຫຼ​ງການ​ຢືນຢັນ​ວ່າ​ທາງ​ການ​ສະຫະລັດ ຈະ​ໃຫ້ການ​ສະໜັບສະໜຸນ​ແລະ​ຊ່ວຍ​ເຫຼືອ​ລາວ​ໃນ​ດ້ານ​ວິທະຍາ​ການ​ສະ​ໄໝ​ໃໝ່​ກ່ຽວ​ກັບ​ການ​ສ້າງ​ຮູບ​ເງົາ ​ແລະກາ​ຕູນ​ທີ່​ສ້າງສັນ​ຈາກ​ດິນ​ນໍ້າມັນ ຫຼື​ທີ່​ເອີ້ນ​ວ່າ Animation ​ໃຫ້​ຫຼາຍ​ຂຶ້ນ ​ໂດຍ ມີ​ເປົ້າໝາຍ​ທີ່​ຈະ​ພັດທະນາ​ທຸລະ​ກິດ​ຮູບ​ເງົາ​ໃນລາວ​ໃຫ້​ໄດ້​ມາດ​ຕະຖານ​ດຽວ​ກັນ​ກັບ ສາກົນ ທັງ​ຍັງ​ຈະ​ມີ​ສ່ວນ​ຢ່າງ​ສໍາຄັນ​ຕໍ່​ການ​ພັດທະນາ​ການທ່ອງທ່ຽວ​ໃນ​ລາວ​ອີກ​ດ້ວຍ.
 

ທ່ານນາງ Karen Stewart, ເອກອັກຄະລັດຖະທູດສະຫະລັດປະຈໍາລາວ ແລະຄະນະຈັດງານມະຫາກໍາຮູບເງົາ ທີ່ຫລວງພະບາງ

​​
ທາງ​ດ້ານ​ແຂວງ​ຫຼວງ​ພະ​ບາງ ກໍ​ໄດ້​ປະ​ເມ່ີ​ນສະພາວະ​ການ​ເຕີບ​ໂຕ​ທາງ​ເສດຖະກິດ ​ໃນ​ແຜນການ​ປະ​ຈໍາປີ 2011-2012 ທີ່​ໄດ້​ສິ້ນ​ສຸດ​ລົງ​ໃນ​ທ້າຍ​ເດືອນ​ກັນ​ຍາ​ປີ​ນີ້​ວ່າ ຍອດ​ຜະ ລິດ​ລວມພາ​ຍ​ໃນ​ແຂວງ ຫຼື GDP ຈະ​ມີ​ມູນ​ຄ່າ​ລວມ​ເຖິງ 4,341 ຕື້​ກີບ. ​ໂດຍ​ຄິ​ດ​ເປັນ​ອັດຕາ​ສະ​ເລ່ຍ​ທີ່​ເພີ່ມ​ສູງ​ຂຶ້ນຈາກ​ແຜນການ​ປີ 2010-2011 ທີ່​ຜ່ານ ມາ​ເຖິງ 9.4% ຊຶ່ງ​ຈະ​ເຮັດ​ໃຫ້​ສາມາດ​ຄິດ​ສະ​ເລ່ຍ​ເປັນ​ລາຍ​ໄດ້​ຂອງ​ປະຊາຊົນ​ໃນແຂວງ​ຫຼວງ​ພະ​ບາງ​ໄດ້​ເກີນ ກວ່າ 9 ລ້ານ​ກີບ ຫຼື​ປະມານ 1,125 ​ໂດ​ລາ ຕໍ່​ຄົນ​ຕໍ່​ປີ.
 
​​ພາກ​ການ​ຜະລິດ​ທີ່​ມີ​ການ​ຂະຫຍາຍຕົວ​ຫຼາຍ​ທີ່​ສຸດ​ນັ້ນ ກໍ​ແມ່ນ
​ພາກ​ອຸດສາຫະກໍາ​ທີ່​ມີ​ອັດຕາ​ການ​ຂະຫຍາຍຕົວ​ເພີ່ມ​ຂຶ້ນ​ເຖິງ 14.4% ຕິດຕາມ​ດ້ວຍ​ພາກ​ບໍລິການ-ການທ່ອງທ່ຽວ ​ແລະ​ພາກ​ກະສິກໍາ-ປ່​າ​ໄມ້ ທີ່​ຂະຫຍາ​ຍຕົວ​ເພີ່ມຂຶ້ນ​ໃນ ອັດຕາ​ສະ​ເລ່ຍ 9.4% ​ແລະ 3.1% ຕາມ​ລໍາດັບ ຫາກ​ແຕ່​ວ່າ​ສໍາລັບ​ພາກ​ບໍລິການ -ການທ່ອງທ່ຽວ​ນັ້ນ​ ກໍ​ຍັງ​ຖື​ເປັນ​ພາກ​ທຸລະ​ກິດ ​ທີ່​ສາມາດ​ສ້າງ​ລາຍ​ຮັບ​ໃຫ້​ກັບ​ແຂວງ ຫຼວງ​ໄດ້​ເພີ່ມ​ຂຶ້ນຢ່າງ​ຕໍ່​ເນື່ອງ​ທີ່​ສຸດ.
 
ຍິ່ງ​ໄປ​ກວ່າ​ນັ້ນ ​ເມື່ອ​ປະກອບ​ກັບ​ໃນ​ຕະຫຼອດ​ປີ 2012 ນີ້​ກໍ​ຍັງ​ເປັນ​ປີ​ທ່ອງ​ທ່ຽວ​ລາວ (Visit Lao Year) ດ້ວຍ​ນັ້ນ ຈຶ່ງ​ເຮັດ​ໃຫ້​ທາງ​ການ​ແຂວງ​ຫຼວງ​ພະ​ບາງ​ເຊື່ອ ໝັ້ນ​ວ່າ​ຈະ​ມີ​ນັກ​ທ່ອງ​ທ່ຽວ​ທັງ​ທີ່​ເປັນ​ຄົນ​ລາວ​ແລະ​ຊາວ​ຕ່າງ​ຊາດ​ເດີນທາງ​ມາ​ທ່ອງ ທ່ຽວ​ໃນ​ແຂວງ​ຫຼວງ​ພະ​ບາງ​ຫຼາຍ​ກວ່າ​ 2.1 ລ້ານ​ຄົນ​ໃນ​ຕະຫຼອດ​ປີ​ນີ້ ຊຶ່ງ​ກໍ​ຈະ​ເຮັດໃຫ້​ພາກ​ບໍລິການ​ມີ​ລາຍຮັບ​ເພີ່ມ​ຂຶ້ນ​ເປັນ​ຫຼາຍ​ກວ່າ 175 ລ້ານ​ໂດ​ລາ​ອີກ​ດ້ວຍ.

Categories: Uncategorized

ລາວວາງແຜນ ເພີ້ມການຜະລິດ ໄຟຟ້າ ຂຶ້ນສິບເທົ່າ ພາຍໃນປີ 2025

 
 

ລາວແລະຫວຽດນາມ ເຊັນສັນຍາ ກໍ່ສ້າງເຂື່ອນເຊກະໝານ 1

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
 
 
ຫຍໍ້ຫລືຂະຫຍາຍໂຕອັກສອນ 

09.10.2012

ລັດຖະບານ​ລາວ​ວາງ​ແຜນການ​ທີ່​ຈະ​ເພີ່ມ​ການ​ຜະລິດ​ພະລັງ
ງານ​ໄຟຟ້າ​ຂຶ້ນຈາກ​ປັດຈຸບັນ​​ເຖິງ 10 ​ເທົ່າ​ ພາຍ​ໃນ​ປີ 2025
ດ້ວຍ​ການ​ສົ່ງ​​ເສີມ​ການ​ລົງທຶນ​ໃຫ້​ກໍ່ ສ້າງ​ເຂື່ອນ​ເພີ່ມ​ຂຶ້ນອີກ
​ເຖິງ 80 ​ໂຄງການ.
 
ທ່ານ​ສຸ​ລິວົງ ດາລາ​ວົງ ລັດຖະມົນຕີ​ວ່າການ​ກະຊວງ​ພະລັງງານ​
ແລະ​ບໍ່​ແຮ່ ​ໄດ້​ຖະແຫຼ​ງຢືນ​ຢັນ​ໃນ​ໂອກາດ​ກອງ​ປະຊຸມ​ຂະ​ແໜງ​
ການ​ພະລັງງານ​ແລະ​ບໍ່​ແຮ່​ປະ​ຈໍາປີ 2012 ທີ່​ໄດ້​ມີ​ຂຶ້ນ​ໃນ​ຕົ້ນ
​ເດືອນ​ຕຸລາ​ນີ້​ວ່າ​ ນັບ​ແຕ່​ເດືອນ​ຕຸລາ 2011 ​ເຖິງ​ທ້າຍ​ເດືອນ​
ສິງຫາ ປີ 2012 ລັດຖະບານ​ລາວ​ໄດ້​ເຊັນ​ສັນຍາ​ວ່າ​ດ້ວຍ
​ການ​ຮ່ວມ​ມື​ກ່ຽວກັບ​ການ​ລົງທຶນ​ເພື່ອ​ການ​ກໍ່ສ້າງ​ແຫຼ່ງຜະລິດ​
ກະ​ແສ​ໄຟຟ້າຮ່ວມ​ກັບ​ທັງ​ເອກ​ກະ​ຊົນລາວ ​ແລະ​ຕ່າງ​ຊາດ​
ໄປ​ແລ້ວ ຈໍານວນທັງ​ໝົດ 80 ​ໂຄງການ.
ທ່ານ ສຸລິວົງ ດາລາວົງ ລັດຖະມົນຕີກະຊວງພະລັງງານ ແລະບໍ່ແຮ່


ໃນ​ຈໍານວນ 80 ​ໂຄງການ​ດັ່ງ​ກ່າວ​ນີ້ ​​ແບ່ງ​ເປັນ 39 ​ໂຄງການ​ທີ່
ຢູ່​ໃນ​ຂັ້ນ​ຕອນ​ຂອງ​ການ​ສຶກສາ​ຄວາມ​ເປັນ​ໄປ​ໄດ້ ສ່ວນ 28 ​ໂຄງ
ການ​ກໍ​ຢູ່​ໃນ​ຂັ້ນ​ຂອງ​ການພັດທະນາ ​ໃນ​ຂະນະ​ທີ່ 13 ​ໂຄງການ​
ກໍ​ໄດ້​ເຊັນ​ສັນຍາ​ສໍາ​ປະທານ​ຢ່າງ​ເປັນ​ທາງການ​​ແລ້ວ ​ແລະ​ທີ່​ເຫຼື​ອ
ອີກ 11 ​ໂຄງການ​ນັ້ນ ​ກໍ​ຢູ່​ໃນ​ຂັ້ນ​ຂອງການ​ດໍາ​ເນີນ​ການ​ກໍ່ສ້າງ​
ຢ່າງ​ຕັ້ງໜ້າ ຊຶ່ງ​ໃນ​ນັ້ນ​ກໍ​ມີ​ຢູ່ 4 ​ໂຄງການ​ທີ່​ຈະ​ດໍາ​ເນີນ​ການ​ກໍ່ສ້າງ​
ແລ້ວ​ສໍາ​ເລັດ​ໃນ​ທ້າຍ​ປີ 2012 ນີ້​ ​ແລະຈະ​ສາມາດ​ເລີ່​ມຜະລິດ​
ກະ​ແສ​ໄຟຟ້າ​ເພື່ອ​ສົ່ງ​ໄປຂາຍ​ໃຫ້​ໄທ​ໄດ້ ​ໃນ​ກາງ​ປີ 2013.
 
ທ່ານ​ສຸ​ລິ​ວົງ ​ໄດ້​ໃຫ້ການ​ເປີດ​ເຜີຍ​ດ້ວຍ​ວ່າ ​ໃນ​ປັດຈຸບັນ​ນີ້ ຢູ່​ໃນ​ລາວ​ມີ​ເຂື່ອນ​ທີ່​ກໍ່ສ້າງ​ສໍາ​ເລັດ​​ແລ້ວ ​ແລະ​ກໍ​ໄດ້​ຜະລິດ​ກະ​ແສ​ໄຟຟ້າ​ໄດ້​​ແລ້ວຈໍານວນ 18 ​ໂຄງການ  ຊຶ່ງ​ສາມາດ​ຜະລິດ​ພະລັງງານ​ໄຟຟ້າ​ໄດ້​ລວມກັນ​ເຖິງ 12,039.67 ລ້ານ​ກິ​ໂລ​ວັດ​/ໂມງຕໍ່​ປີ ​ແລະ​ໃນນີ້ ກໍ​ໄດ້​ສົ່ງ​ໄປ​ຂາຍ​ໃຫ້ການ​ໄຟຟ້າ​ຝ່າຍ​ຜະລິດ​ແຫ່ງ​ປະ​ເທດ​ໄທ (EGAT) ​ໃນ​ປະລິມານ​ລວມ​ເຖິງ 11,178.5 ລ້ານ​ກິ​ໂລ​ວັດ/​ໂມງ​ ຫຼື​ຄິດ​ເປັນ​ມູນ​ຄ່າ​ການ​ສົ່ງ​ອອກ​ເຖິງ 3,256 ຕື້​ກີບ ຫຼື​ເກືອບ 470 ລ້ານ​ໂດລາ.

ເຂື່ອນໄຟຟ້ານໍ້າເທີນ 2 ທີ່ກໍ່ສ້າງ ແລະຜະລິດກະແສໄຟຟ້າສົ່ງໄປຂາຍປະເທດໄທແລ້ວ

​​
ຍີ່​ງ​ໄປ​ກວ່າ​ນັ້ນ ຖ້າ​ຫາກ​ວ່າການ​ດໍາ​ເນີນ​ງານ​ເປັນ​ໄປ​ຕາມ​
ແຜນການ​ທີ່​ລັດຖະບານ ​ໄດ້​ວາງ​ເອົາ​ໄວ້ ກໍ​ຄື​ການ​ກໍ່ສ້າງ​ແຫຼ່ງ
ຜະລິດ​ກະ​ແສ​ໄຟຟ້າ​ໃຫ້​ສໍາ​ເລັດ​ທັງ 80 ​ໂຄງ ການ​ທີ່​ລັດຖະ
ບາ​ນລາວ​ໄດ້​ເຊັນ​ສັນຍາ​ຮ່ວມ​ມື​ກັບ​ເອກ​ກະ​ຊົນ​ລາວ​ແລະ​ຕ່າງ
​ຊາດ​ໄປແລ້ວ​ນັ້ນ ກໍ​ຍັງ​ຈະ​ເປັນ​ຜົນ​ເຮັດ​ໃຫ້​ລາວ​ມີ​ຄວາມ​ອາດ​
ສາມາດ​ໃນ​ການ​ຜະລິດ​ກະ​ແສ​​ໄຟຟ້າ ​ເພີ່ມ​ຂຶ້ນອີກ​ຫຼາຍ​ກວ່າ
1 ​ແສນ​ລ້ານ​ກິ​ໂລ​ວັດ/ໂມງ ຫຼື​ເພີ່ມ​ຂຶ້ນຈາກ​ປັດຈຸບັນ​ນີ້​ເຖິງ 10 ​ເທົ່າ​ພາຍ​ໃນ​ປີ 2025 ອີກ​ດ້ວຍ.
 
​ການ​ດໍາ​ເນີນ​​ແຜນການ​ດັ່ງກ່າວ​ນີ້​ຂອງ​ກະຊວງ​ພະລັງງານ​ ແລະ​ບໍ່
​ແຮ່​ກໍ​ຄື​ການຕອບ​ສະໜອງ​ ຕໍ່​ເປົ້າໝາຍ​ຂອງ​ພັກ​ແລະ​ລັດຖະບານ​ລາວ​ ທີ່​ຈະ​ພັດທະນາ​ລາວ​
ເປັນໝໍ້​ໄຟ​ຂອງ​ເອ​ເຊຍ (Battery of Asia) ດ້ວຍ​ການ​ສົ່ງ​ເສີມ​ການ​ລົງທຶນ ເພື່ອກໍ່ສ້າງ ເຂື່ອນ​
ຢູ່​ໃນ​ລາວ​ໃຫ້​ຫຼາຍ​ຂຶ້ນຢ່າງ​ບໍ່​ຢຸດ​ຢັ້ງ ​ແລະ​ກໍ​ຍັງ​ຖື​ວ່າ​ເປັນ​ການ​ນໍາ​ໃຊ້​ປະ​ໂຫຍ​ດຈາກ​ທ່າ​ແຮງ​
ບົ່ມຊ້ອນ​ໃນ​ດ້ານ​ຊັບພະຍາກອນ​ນໍ້າຂອງ​ລາວ​ ໄດ້​ເປັນ​ຢ່າງ​ດີ​ອີກດ້ວຍ.

ບໍລິສັດຈີນທໍາພິທີວາງສີລາເລີກເພື່ອສ້າງເຂື່ອນນໍ້າງຽບ 2

​​
ຊຶ່ງ​ດ້ວຍ​ທ່າ​ແຮງ​ບົ່ມ​ຊ້ອນ​ດັ່ງກ່າວ​ນີ້ ທ່ານ​ຈູມ​ມະ​ລີ ​ໄຊ​ຍະ​ສອນ
ປະທານ​ປະ​ເທດ ກໍ​ເຄີຍ​ໄດ້​ໃຫ້ການ​ເນັ້ນ​ຢໍ້າຕໍ່​ບັນດາ​ຄະນະ​ທູ
ຕານຸທູດ​ຕ່າງປະ​ເທດ​ໃນ​ລາວ​ເມື່ອ​ບໍ່​ດົນ ມາ​ນີ້​ວ່າ:
“ສປປ.ລາວ ​ເປັນ​ປະ​ເທດ​ທີ່​ມີ​ທ່າ​ແຮງ​ບົ່ມ​ຊ້ອນ​ໃນ​ການ​
ຜະລິດ​ໄຟຟ້າ​ນໍ້າຕົກ​ຢ່າງ​ຫຼວງ​ຫຼາຍ ຊຶ່ງ​ກໍ​ເປັນ​ໂອກາດ​
ດີ​ໃຫ້​ກັບ​ການ​ນໍາ​ໃຊ້​ຊັບພະຍາກອນ​ນໍ້າ​ເພື່ອ​ເປັນ​ທຶນ
ຮອນ​ໃນ​ການ​ສ້າງສາ​ພັດທະນາ​ປະ​ເທດ​ຊາດ ສະ​ນັ້ນ
​ລັດຖະບານ​ລາວ​ຈຶ່ງ​ໄດ້​ສຸມທຸກ​ຄວາມ​ພະຍາຍາມ​ຂອງ​
ຕົນ​ ບວກ​ກັບ​ການ​ສະໜັບສະໜຸນ​ທາງ​ດ້ານ​ວັດຖຸ​ເທ​ັກນິກ ​ແລະ​ທຶນຮອນ​ຈາກ​ສາກົນ​ເພື່​ອ​ພັດທະນາ​ແຫຼ່ງພະລັງງານ​ທີ່​ສະອາດ​ດັ່ງກ່າວ​ໃຫ້​ສາມາດ​ຕອບ​ສະໜອງ​ໄດ້​ກັບ​ຄວາມ​ຮຽກຮ້ອງ​ຕ້ອງການ​ທາງ​ດ້ານ​ພະລັງງານ​ຢູ່​ພາຍ​ໃນປະ​ເທດ​ແລະ​ເພື່ອ​ສົ່ງ​ອອກ​ໄປ​ປະ​ເທດ​ເພື່ອນ​ບ້ານ.”

 
ຫາກ​ແຕ່​ວ່າ​ບັນຫາ​ໃນ​ເວລາ​ນີ້ ກໍ​ຄື​ບັນດາ​ອົງການ​ອະ​ນຸລັກ​ສະພາບ​ແວດ​ລ້ອມ​ທໍາ​ມະ​ຊາດ​ໃນ​ລະດັບ​ສາກົນ​ໄດ້​ປະກາດ​ທ່າ​ທີຢ່າງ​ຊັດ​ເຈ​ນ ວ່າ​ຈະ​ຄັດຄ້ານ​ການ​ກໍ່ສ້າງ​​ເຂື່ອນ​ທັງ​ໃນ​ລາວ​ ແລະ​​ເທິງ​ແມ່​ນໍ້າຂອງ​ຢ່າງ​ເຖິງ​ທີ່​ສຸດ ​ໂດຍຫ​ລ້າ​ສຸດ​ກໍ​ໄດ້​ພາກັນເຄື່ອນ​ໄຫວ​ເພື່ອ​ຄັດ ຄ້ານ​ການ​ກໍ່ສ້າງ​ເຂື່ອນ​ໄຊ​ຍະ​ບູລີ​ເທິງ​ແມ່​ນໍ້າຂອງ​ ໃນ​ແຂວງ​ໄຊ​ຍະ​ບຸລີ ​ແລະ​ເຂື່ອນ​ດອນ​ສະ​ຫົງ​ຢູ່​ເຂດ​ສີ່​ພັນ​ດອນ​ ໃນ​ແຂວງ​ຈໍາປາ​ສັກ​ຂອງ​ລາວ ທັງຍັງ​ໄດ້​ພາກັນ​ເຄື່ອນ​ໄຫວ​ເພື່ອ​ຄັດຄ້ານ​ແຜນການ​ຮັບ​ຊື້​ພະລັງງານ​ໄຟຟ້າ​ຈາກ​ລາວ ຂອງ​ລັດຖະບານ​ໄທ​ອີກ​ດ້ວຍ.

Categories: Uncategorized

ລາວຫວັງວ່າ ການເປັນເຈົ້າພາບ ຈັດກອງປະຊຸມ ສຸດຍອດ ASEM ຄັ້ງທີ 9 ໃນປີນີ້ ຈະຊ່ວຍໃຫ້ໄດ້ເຂົ້າ WTO

ວັນພະຫັດ, 11 ຕຸລາ 2012

 

ເຈົ້າໜ້າທີ່ຂັ້ນສູງມີຄວາມເຊື່ອໝັ້ນວ່າ ລາວຈະໄດ້ຮັບການຮັບຮອງໃຫ້ເຂົ້າເປັນສະມາຊິກ ຂອງອົງການ ການຄ້າໂລກ ໃນປີ 2013 ຫຼື ຫຼັງຈາກການເປັນເຈົ້າພາບຈັດກອງປະຊຸມສຸດ ຍອດ ASEM ຄັ້ງທີ 9.

ພິທີເປີດການເລີ້ມຕົ້ນຂະຫຍາຍສະໜາມບິນວັດໄຕ ພາຍໃຕ້ການຊ່ວຍເຫລືອຂອງລັດຖະບານຍີ່ປຸ່ນ

 
 

ສື່ຕ່າງໆຂອງຂ່າວຫລືລາຍງານນີ້

ສຽງ
  • ລາວຫວັງວ່າ ການເປັນເຈົ້າພາບ ຈັດກອງປະຊຸມ ສຸດຍອດ ASEM ຄັ້ງທີ 9 ໃນປີນີ້ ຈະຊ່ວຍໃຫ້ໄດ້ເຂົ້າ WTO

 
 
ຫຍໍ້ຫລືຂະຫຍາຍໂຕອັກສອນ 
ຊົງຣິດ ໂພນເງິນ

ປ່ຽນແປງເທື່ອລ່າສຸດ 31.01.2012 19:00

 

ທ່ານ ອະພິໄຊຍະເດດ ອິນສີຊຽງໃໝ່, ຫົວໜ້າຝ່າຍຄຸ້ມຄອງໂຄງການກໍ່ສ້າງສູນການ 
ປະຊຸມນາໆຊາດແຫ່ງໃໝ່ ເພື່ອຮອງຮັບກອງປະຊຸມສຸດຍອດຜູ້ນໍາລັດຖະບານວ່າດ້ວຍ ການຮ່ວມມືທາງເສດຖະກິດ ລະຫວ່າງອາຊ່ຽນກັບສະຫະພາບເອີຣົບ ຄັ້ງທີ 9 (9th
ASEM Summit) ທີ່ ລາວຈະເປັນເຈົ້າພາບຈັດຂຶ້ນຢ່າງເປັນທາງການ ໃນຊ່ວງວັນທີ
5-6 ພະຈິກ 2012 ນີ້ ຢູ່ນະຄອນຫລວງວຽງຈັນ ໄດ້ຖະແຫຼງຢືນຢັນວ່າ ການດຳເນີນ
ງານ ຈະສຳເລັດສົມບູນໃນເດືອນຕຸລາປີນີ້ຢ່າງແນ່ນອນ.

 

ພາບຈໍາລອງສູນກາງຈັດກອງປະຊຸມ ASEM ຄັ້ງທີ 9 ທີ່ລາວຈະເປັນເຈົ້າພາບຈັດຂຶ້ນ ໃນເດືອນພະຈິກ ປີນີ້

 

ການດຳເນີນງານຈົນເຖິງປັດ
ຈຸບັນນີ້ ໄດ້ຄືບໜ້າໄປແລ້ວ
ເກີນກ່ວາ 20% ເຊິ່ງເປັນ
ການດຳເນີນງານໃນພາກ
ສ່ວນຂອງໂຄງສ້າງຮາກຖານ
ເພື່ອຮອງຮັບໂຄງສ້າງຂອງ
ຊັ້ນເທິງທີ່ມີທັງໝົດ 7 ຊັ້ນ 
ແລະໂຄງຫຼັງຄາທີ່ກຳນົດຈະ
ກໍ່ສ້າງໃຫ້ແລ້ວພາຍໃນເດືອນ
ພຶດສະພາ ແລະມິຖຸນາ ຕາມ
ລຳດັບ ສ່ວນຕໍ່ຈາກນັ້ນກໍ
ເປັນການຕົກແຕ່ງພາຍໃນ
ອາຄານ ພ້ອມກັບການຕິດຕັ້ງສິ່ງອຳນວຍຄວາມສະດວກຕ່າງໆ ຢ່າງຄົບຊຸດໃຫ້ແລ້ວ
ເສັດທັງໝົດ ພາຍໃນເດືອນຕຸລາເປັນຢ່າງຊ້າ.

ການກໍ່ສ້າງສູນການປະຊຸມດັ່ງກ່າວນີ້ ລັດຖະບານລາວໄດ້ຮັບການຊ່ວຍເຫຼືອຈາກລັດ
ຖະບານຈີນ ໃນມູນຄ່າລວມເຖິງ 450 ລ້ານຢວນ ຫຼືປະມານ 80 ລ້ານໂດລາເຊິ່ງຕັ້ງ
ຢູ່ບົນເນື້ອທີ່ກ້ວາງ 7 ເຮັກຕາ ຢູ່ຫຼັກ 6 ຖະໜົນໄກສອນ ພົມວິຫານ. ການດຳເນີນງານ
ຈະແບ່ງອອກເປັນ 2​ ໄລຍະ ກໍຄືໄລຍະທີ່ 1 ເປັນການກໍ່ສ້າງສູນການປະຊຸມນາໆຊາດ
ທີ່ມີພື້ນທີ່ໃຊ້ສອຍ 20,109 ຕາແມັດ ສຳລັບຮອງຮັບກອງປະຊຸມອາຊຽນຄັ້ງທີ 9 ດັ່ງ
ກ່າວ, ສ່ວນໄລຍະທີ 2 ນັ້ນ ຈະເປັນການກໍ່ສ້າງຫໍປະຊຸມຂະໜາດໃຫຍ່ ເພື່ອຮອງຮັບ
ການຈັດງານ ຫຼື ກິດຈະກຳລະດັບນາໆຊາດຕ່າງໆເປັນການສະເພາະ ທີ່ກຳນົດຈະ
ກໍ່ສ້າງ ໃຫ້ແລ້ວເສັດພາຍໃນປີ 2013 ໂດຍການດຳເນີນງານທັງໝົດນີ້ ຢູ່ພາຍໃຕ້ການ ກຳກັບດູແລຂອງສະຖາບັນວິໄຈ ແລະແຜນການກະຊວງອຸດສາຫະກຳເຄື່ອງຈັກຂອງ
ລັດຖະບານຈີນ.

 

ພາບຈໍາລອງເຮືອນຮັບແຂກທີ່ເປັນຜູ້ແທນເຂົ້າຮ່ວມກອງປະຊຸມ ASEM

 

ພ້ອມກັນນີ້ ລັດຖະບານຈີນ
ຍັງໄດ້ໃຫ້ການຊ່ວຍເຫຼືອແກ່
ລັດຖະບານລາວ ໃນການກໍ່
ສ້າງເຮືອນພັກຮັບຮອງຈຳ
ນວນ 52 ຫຼັງ ແລະສະໂມ
ສອນຢູ່ເທິງດອນຈັນສຳລັບ
ຜູ້ນຳລັດຖະບານ 50 ປະ
ເທດຂອງເອເຊຍ ແລະເອີຣົບ
ທີ່ຈະເຂົ້າຮ່ວມໃນກອງປະ
ຊຸມອີກດ້ວຍ. ສ່ວນລັດຖະ
ບານຍີ່ປຸ່ນ ກໍໃຫ້ການຊ່ວຍ
ເຫຼືອໃນການພັດທະນາປັບປຸງສະໜາມບິນນາໆຊາດວັດໄຕ ດ້ວຍການຂະຫຍາຍທາງ
ແລ່ນຂຶ້ນ-ລົງຂອງເຮືອບິນ ແລະພື້ນທີ່ຈອດເຮືອບິນຂະໜາດ ໃຫຍ່ໃຫ້ໄດ້ 40 ລຳພ້ອມ
ກັນ ເຊິ່ງຈະດຳເນີນການແລ້ວສຳເລັດພາຍໃນເດືອນກັນຍາປີນີ້.

ທາງດ້ານເຈົ້າໜ້າທີ່ຂັ້ນສູງໃນກະຊວງການຕ່າງປະເທດ ກໍໄດ້ຖະແຫຼງຢືນຢັນວ່າ ການທີ່
ລາວໄດ້ ເປັນເຈົ້າພາບຈັດກອງປະຊຸມສຸດຍອດດັ່ງກ່າວນີ້ ຖືເປັນໝາກຜົນຈາກການທີ່ພັກ
ແລະລັດຖະບານລາວໄດ້ຕັດສິນໃຈເຂົ້າເປັນສະມາຊິກຂອງກຸ່ມອາຊີຈາກປີ 1997 ເປັນຕົ້ນມາ
ຍິ່ງໄປກ່ວານັ້ນ ການເປັນເຈົ້າພາບຈັດກອງປະຊຸມສຸດອາຊຽນ ກໍຍັງຈະເຮັດໃຫ້ລາວໄດ້ຮັບ
ການຍອມຮັບ ໃນລະດັບສາກົນເພີ່ມຂຶ້ນ ອັນຈະເປັນປັດໃຈທີ່ຊຸກຍູ້ໃຫ້ລາວໄດ້ຮັບການຮັບ ຮອງໃຫ້ເຂົ້າໄປເປັນສະມາຊິກຂອງອົງການການຄ້າໂລກໄວຂຶ້ນອີກດ້ວຍ ດັ່ງທີ່ເຈົ້າໜ້າທີ່
ຂັ້ນສູງຂອງລາວ ໄດ້ສະແດງຄວາມເຊື່ອໝັ້ນວ່າ:

ອັນນີ້ແມ່ນເປັນຄວາມພະຍາຍາມ ເພື່ອເຊື່ອມໂຍງເຂົ້າກັບພາກພື້ນ ແລະສາກົນນີ້
ເຊິ່ງອັນນີ້ຖືວ່າ ເປັນການສະສົມບົດຮຽນໃຫ້ ສປປ ລາວ ເພື່ອກ້າວໄປສູ່ລະດັບສາກົນ 
ເຊັ່ນວ່າ ພວກເຮົາກຳລັງກະກຽມເພື່ອເຂົ້າເປັນສະມາຊິກຂອງອົງການການຄ້າໂລກ
. 

 

ຜູ້ແທນລາວທີ່ໄປເຈລະຈາຄັ້ງຫລ້າສຸດກັບຄະນະຜູ້ຕາງໜ້າຖາວອນປະຈໍາອົງການການຄ້າໂລກ (WTO) ຢູ່ກຸງເຈນີວາ ປະເທດ ສະວິດເຊີແລນ ໃນທ້າຍເດືອນທັນວາ, 2011 ທີ່ຜ່ານມານີ້

 

ຄະນະຜູ້ແທນຂອງທາງການລາວ
ພາຍໃຕ້ການນໍາຂອງທ່ານນາມ
ວິຍະເກດ ລັດຖະມົນຕີວ່າການ
ກະຊວງອຸດສະຫະກໍາ ແລະການ
ຄ້າ ໄດ້ສິ້ນສຸດການເຈລະຈາຄັ້ງ
ຫລ້າສຸດ ຮ່ວມກັບຄະນະຜູ້ຕາງ
ໜ້າຖາວອນປະຈໍາອົງການການ
ຄ້າໂລກ (WTO) ຢູ່ກຸງເຈນີວາ
ປະເທດສະວິດເຊີແລນ ເມື່ອທ້າຍ
ເດືອນທັນວາທີ່ຜ່ານມານີ້ ຊຶ່ງກໍ
ຖືໄດ້ວ່າມີຄວາມຄືບໜ້າເປັນ
ຢ່າງດີ.

ທັງນີ້ ຄະນະຜູ້ແທນຂອງທາງການລາວ ໄດ້ມີການລົງນາມໃນສັນຍາແບບທະວີພາຄີຮ່ວມ
ກັບຜູ້ແທນຂອງສະຫະພາບຢູໂຣບ ແລະຜູ້ແທນຂອງໄຕ້ຫວັນ ຫຼັງຈາກການເຈລະຈາຄັ້ງ
ຫລ້າສຸດນີ້ ໄດ້ສິ້ນສຸດລົງ ແລະໃນໂອກາດດຽວກັນນີ້ ຄະນະຜູ້ແທນຂອງລາວຍັງໄດ້ເຈລະ
ຈາຮ່ວມກັບຜູ້ແທນຂອງທາງການສະຫະລັດອາເມຣິກາ ແລະສາມາດບັນລຸຂໍ້ຕົກລົງໃນຫຼັກ
ການຮ່ວມກັນ ກ່ຽວກັບການທີ່ທາງການສະຫະລັດຈະໃຫ້ການສະໜັບສະໜູນລາວ ເພື່ອ
ໃຫ້ໄດ້ເຂົ້າເປັນປະເທດສະມາຊິກຂອງ WTO ໃຫ້ໄວທີ່ສຸດອີກດ້ວຍ.

Categories: Uncategorized

ກົດໝາຍ ໃນສປປ ລາວ

2012-10-10

ຊາວລາວ ພາກັນ ຈົ່ມວ່າ ສປປລາວ ມີກົດໝາຍ ແຕ່ບໍ່ ສັກສິດ ບໍ່ເຂັ້ມງວດ ເຈົ້າໜ້າທີ່ ຂອງຣັຖກໍບໍ່ ປະຕິບັດ ຕາມກົດໝາຍ ຖ້າໃຊ້ ກົດໝາຍ ກໍແມ່ນ ເພື່ອເອົາປຽບ ປະຊາຊົນ.

vietnamtourism-jsc

ຫໍພິພິທພັນ ໄກສອນ ພົມວິຫານ ທີ່ນະຄອນຫຼວງ ວຽງຈັນ

 

ຕົວຢ່າງ ເຊັ່ນວ່າເ ຣັຖບານ ຍຶດເອົາທີ່ດິນ ຂອງ ປະຊາຊົນ ແລ້ວມອບໃຫ້ ນັກລົງທຶນ ຕ່າງປະເທດ ໂດຍທີ່ ປະຊາຊົນ ບໍ່ມີສິດ ຕໍ່ວ່າຕໍ່ຂານ ເລີຍ. ຊາວລາວ ຄົນນຶ່ງ ເວົ້າວ່າ:

“ປະຊາຊົນ ກໍຄື ປະຊາຊົນ ບາງຄັ້ງ ກົດໝາຍ ກໍບໍ່ໄດ້ຄຸ້ມຄອງ ດ້ວຍຊ້ຳໄປ ຣັຖບານ ເປັນຜູ້ໃຊ້ ກົດໝາຍ ປະຊາຊົນ ບໍ່ໄດ້ມີສິດ ບາງຄັ້ງຄິດ ແນວນັ້ນ ກໍບາງຄັ້ງ ຣັຖບານ ກໍເອົາປຽບ ປະຊາຊົນ ດ້ວຍການຍຶດທີ່ດິນ ຂອງ ປະຊາຊົນ ບ່ອນນັ້ນ ບ່ອນນີ້ ເພື່ອໄປກໍ່ສ້າງ ສັມປະທານໃຫ້ ຕ່າງປະເທດ ອັນນີ້ ກໍຄິດວ່າ ເອົາປຽບ ປະຊາຊົນ ການທົດແທນ ມັນກໍມີ ແຕ່ກໍຖືວ່າ ມັນບໍ່ສົມດູນ ຄ່າຂອງ ທີ່ປະຊາຊົນ ເສັຍໄປ”.

ຊາວລາວຜູ້ນີ້ ເວົ້າອີກວ່າ ຢູ່ລາວ ປະຊາຊົນ ບໍ່ມີສິດ ບໍ່ມີສຽງຫຍັງ ຕົວຢ່າງ ກໍຣະນີ ຊາວບ້ານ ບໍ່ຢາກໂຍກຍ້າຍ ອອກຈາກບ່ອນຢູ່ ແລະ ບ່ອນທຳມາ ຫາກິນ ຂອງພວກເຂົາ ແຕ່ກໍບໍ່ສາມາດ ປະທ້ວງ ຕໍ່ວ່າຕໍ່ຂານໄດ້ ເຖິງວ່າຈະມີ ກົດໝາຍ ອະນຸຍາດ ໃຫ້ປະຊາຊົນ ມີໂອກາດ ຂໍຄວາມເປັນທັມ ຢູ່ກໍຕາມ. ຕົວຢ່າງ ຢູ່ແຂວງ ເຊກອງ ປະຊາຊົນ ໃນບ້ານນຶ່ງ ຮຽກຮ້ອງຂໍທີ່ດິນ ຂອງພວກ ເຂົາເຈົ້າຄືນ ທີ່ທາງການ ຍຶດເອົາແລ້ວ ໃຫ້ສັມປະທານ ແກ່ນັກລົງທຶນ ຕ່າງປະເທດ. ຊາວບ້ານ ເຫລົ່ານີ້ ຮຽກຮ້ອງ ຂື້ນໄປເຖິງ ສະພາ ແຫ່ງຊາດລາວ ແຕ່ເມື່ອປະມານ ສອງ ເດືອນກ່ອນ ຊາວບ້ານ ເຈັດຄົນຖືກຈັບ ຕໍ່ມາຖືກປ່ອຍ ແຕ່ຖືກຂູ່ວ່າ ຖ້າບໍ່ຍອມຮັບເອົາ ຄ່າຊົດເຊີຍ ຊາວບ້ານ ຈະຖືກຈັບອີກ. ສ່ວນຊາວບ້ານ ຕິວ່າ ຄ່າຊົດເຊີຍ ໜ້ອຍເກີນໄປ.

ຊາວລາວຜູ້ຢູ່ ໃນເມືອງ ບາງຄົນ ກໍກ້າຕໍ່ວ່າຕໍ່ຂານ ກັບເຈົ້າໜ້າທີ່ ຕຳຣວດ ຢູ່ແຕ່ກໍຖືກຂູ່ ຄືນວ່າ:

“ໄປທາງເພິ່ນແຫຼະ ຖືວ່າຂ້ອຍ ເຄີຍໄປເວົ້າ ໃສ່ຕຳຣວດ ເຂົາກໍຢາກຫາ ເຣື່ອງ ຈັບເຂົ້າຄຸກ ເມືອງລາວນີ່ ກົດໝາຍ ມັນບໍ່ຢາກມີ ມັນມີແຕ່ກົດ ຕາມສັງຄົມ ບໍ່ມີກົດໝາຍ ຕາມທີ່ຂ້ອຍຮູ້ ມັນມີວິທີ ຂອງເຮົາ ມັນຄຸ້ນເຄີຍ ກໍຢູ່ໄດ້.”

ປະຊາຊົນລາວ ຂາດທີ່ເພິ່ງ ຖ້າອາໄສຣັຖບານ ຣັຖບານແຮງ ເອົາລັດເອົາປຽບ ຖ້າຈະອາສັຍ ສື່ມວລຊົນ ກໍມີພຽງ ໄວ້ຮັບໃຊ້ ພັກແລະຣັຖ ບໍ່ຮັບໃຊ້ ປະຊາຊົນ.

Categories: Uncategorized

ຈີນຮ່າງກົດໝາຍການຄ້າ ໃຫ້ສປປ ລາວ

ຈີນ ຊ່ວຍ ສປປລາວ ຮ່າງກົດຫມາຍ ສົ່ງເສິມ ການຄ້າ ໃນເຂຕ ເສຖກິດ ພິເສດ 9 ແຂວງ ພາກເໜືອ ເພື່ອອຳນວຍ ຄວາມສະດວກ ໃຫ້ຕົນເອງ ໃນການເຂົ້າມາ ລົງທຶນ ໃນອະນາຄົຕ.

 

ແຫລ່ງຂ່າວ ຈາກກະຊວງ ຕ່າງປະເທດ ເປິດເຜີຍວ່າ ຕອນນີ້ ຈີນ ສຳເຮ້ຈ ການຮ່າງກົດຫມາຍ ຄຸ້ມຄອງ ເຂຕເສຖກິຈ ພິເສດ ແລະ ເຂຕເສຖກິດ ສະເພາະ ເພື່ອນຳໃຊ້ໃນ 9 ແຂວງພາກເໜືອ ຂອງລາວແລ້ວ ແລະວ່າ ເຣື່ອງນີ້ກຳລັງ ສົ່ງຮ່າງ ກົດໝາຍ ໄປຍັງຄນະ ຣັຖບາລ ເພື່ອນຳສເນີເຂົ້າ ໃນທີ່ປະຊຸມ ສະພາ. ເນື້ອໃນໃຈຄວາມ ຂອງຮ່າງ ກົດຫມາຍ ເນັ້ນໃຫ້ອິສຣະ ແກ່ນັກລົງທຶນ ເຈົ້າຫນ້າທີ່ ຈາກກະຊວງຕ່າງ ປະເທດ ກ່າວວ່າ:

“ແມ່ນແຜນພັທນາ ເສຖກິດ ແມ່ນຈີນ ເປ້ນຜູ້ຮ່າງ ຈີນເປ້ນຜູ້ ສຳຣວດກວດກາ ຈີນເປ້ນຜູ້ວາງ ໃຫ້ນະ 9 ແຂວງພາກເໜືອ ແຜນຍຸທສາດ ເພິ່ນເປັນຜູ້ວາງໃຫ້ ຫມົດນະ ມອບໃຫ້ຣັຖບາລ ແລ້ວເຈົ້າ ມັນຈະມີ ຣະບຽບ ກາຣເຂົ້າອອກເສຣີ”.

ຮ່າງຣະບຽບ ບົ່ງໄວ້ວ່າ ການເປິດດ່ານ ຊາຍແດນສາກົລ ລາວ-ຈີນ ແບບອິສຣະ ຄືຣະຫວ່າງ ຊາຍແດນ ຫລວງນ້ຳທາ ກັບ ເມືອງຢູນານ ການຍົກເວັ້ນ ພາສີ ບາງປະເພດ ການຍົກເວັ້ນ ອາກອນກຳໄຣ ສູງສຸດ 10 ປີ ແລະການນຳເຂົ້າ ແຮງງານສະເພາະ ກັບແຮງງານ ໂຍກຍ້າຍ ສະຖານທີ່ ຈາກ ປະເທດເຂົາເຈົ້າ  ຊື່ງທັງຫມົດນີ້ ຈີນຈະໄດ້ຮັບ ຜົນປະໂຫຍດ ຫລາຍທີ່ສຸດ.

9 ແຂວງພາກເໜືອ ປະກອບດ້ວຍ ແຂວງວຽງຈັນ ຜົ້ງສາລີ ຫລວງນ້ຳທາ ບໍ່ແກ້ວ ອຸດົມໄຊ ຫລວງພະບາງ ຊຽງຂວງ ຫົວພັນ ແລະ ໄຊຍະບູລີ ຊື່ງເປັນແຂວງ ທີ່ນັກລົງທຶນ ຈີນ ໃຫ້ຄວາມສົນໃຈ ເປັນພິເສດ ເພາະໃກ້ກັບ ຊາຍແດນຈີນ ໂດຍຈະເນັ້ນລົງທຶນ ດ້ານພະລັງງານ ໄຟຟ້າ ເຂື່ອນນ້ຳຕົກຕາດ ເຫມືອງແຮ່ ແລະ ການທ່ອງທ່ຽວ ຄົບວົງຈອນ.

ປາກົດການ ກາຣເຄື່ອນຍ້າຍ ຄົນຈີນ ເຂົ້າມາໃນລາວ ເປັນໄປຕາມ ນະໂຍບາຍ ຍ້າຍຄົນອອກນອກ ຍ້ອນປະເທດຈີນ ມີຄົນຫຼາຍ ເກິນໄປ ແລະ ສປປລາວ ກໍເປັນປະເທດ ທີ່ເຫມາະສົມ ກັບຄວາມຕ້ອງການ ຂອງເຂົາເຈົ້າ ໂຕຢ່າງເຫັນໄດ້ ຈາກເມືອງບໍ່ເຕັນ ແຂວງຫລວງນ້ຳທາ ເມືອງຕົ້ນເຜິ້ງ ແຂວງບໍ່ແກ້ວ ແລະໂຕເມືອງ ແຂວງອຸດົມໄຊ ທີ່ມີ ຄົນຈີນມາອາສັຍ ຢູ່ເພິ່ມຂື້ນ ເລື້ອຍໆ.

Categories: Uncategorized

Home

Categories: Uncategorized

ອາແຊັບ 7 ຊ່ອງທາງຮ່ວມມືດ້ານເສດຖະກິດ-ການຄ້າ

Posted on October 4, 2012 by Seuth

ອາແຊັບ 7 ຊ່ອງທາງຮ່ວມມືດ້ານເສດຖະກິດ-ການຄ້າ

 

ກອງ​ປະ­ຊຸມ​ລັດ​ຖະ​ສະ­ພາອາ­ຊີ-ເອີ​ຣົບ ຄັ້ງ​ທີ 7 (ASEP 7) ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ວັນທີ 3 ຕຸ­ລາ 2012 ທີ່​ນະ­ຄອນ­ຫລວງວຽງ​ຈັນ, ໂດຍ​ມີ​ຄະ­ນະ​ຜູ້​ແທນ​ຂັ້ນ​ສູງຈາກ​ທັງ​ສອງ​ທະ­ວີບ​ຄືອາ­ຊີ ແລະ ເອີ​ຣົບ ເຂົ້າ​ຮ່ວມ​ທັງ​ຫມົດ 30 ຄະ­ນະ​ຈາກ 27 ປະ­ເທດ, 1 ລັດ​ຖະ​ສະ­ພາ​ເອີ​ຣົບ, 3 ອົງ​ການ­ຈັດ­ຕັ້ງ​ສາ­ກົນລວມ 250 ທ່ານ ເຊິ່ງ​ປະ­ເທດ​ເພື່ອນ​ມິດ​ໃນ​ອາ­ຊີ ແລະ ເອີ​ຣົບ​ຕ່າງ​ກໍ່​ມີ​ຄວາມ​ເຫັນ​ດີ​ເຫັນ ພ້ອມ​ໃນ​ການ​ເລືອກ​ເອົາ​ບັນ­ຫາ “ການເປັນ​ຄູ່​ຮ່ວມ​ລັດ​ຖະ​ສະ­ພາ​ອາ­ຊີ-ເອີ​ຣົບ ເພື່ອ​ການ​ພັດ­ທະ­ນາ​ແບບ​ຍືນ​ຍົງ” ມາ​ເປັນ​ປະ­

ເດັນ​ປຶກ­ສາ​ຫາ­ລື​ກັນ, ຂະ­ນະ​ທີ່​ກອງ​ປະ­ຊຸມ​ປຶກ­ສາ​ຫາ­ລື​ເລ່ງແກ້ 3 ບັນ­ຫາ​ໃຫຍ່.

ພະ­ນະ​ທ່ານ ນາງ​ປາ­ນີ ຢາ​ທໍ່​ຕູ້ ປະທານ​ສະ­ພາ​ແຫ່ງ ສປປ ລາວ, ປະ­ທານກອງ​ປະ­ຊຸມ​ອາ​ແຊັບ ຄັ້ງ​ທີ 7, ກ່າວ ໃນ​ກອງ​ປະ­ຊຸມ​ບາງ​ຕອນ​ວ່າ: ໃນ​ສະພາບ​ລວມ​ຂອງ​ການ​ພັດ­ທະ­ນາ​ແບບ ຍືນ​ຍົງ​ພວມ​ກາຍ­ເປັນ​ທ່າ​ອຽງ​ລວມຂອງ​ບັນ­ດາ​ປະ­ຊາ​ຊາດ​ໃນ​ໂລກ, ການຮັດ​ແຫນ້ນ​ສາຍ​ພົວ­ພັນ ແລະ ການ​ເສີມ​ຂະ­ຫຍາຍ​ການ​ຮ່ວມ​ມື​ລະ­ຫວ່າງ​ສອງ​ທະ­ວີບອາ­ຊີ-ເອີ​ຣົບ ແມ່ນ​ຜົນ​ປະ­ໂຫຍດ ລວມ​ຂອງ​ທຸກ​ປະ­ເທດ; ການ​ຕົກ­ລົງເອົາ​ບັນ­ຫາ “ການ​ເປັນ​ຄູ່​ຮ່ວມ​ລັດ​ຖະສະ­ພາ​ອາ­ຊີ-ເອີ​ຣົບ ເພື່ອ​ການ​ພັດ­ທະ­ນາແບບ​ຍືນ​ຍົງ” ໃຫ້​ເປັນ​ຫົວ­ຂໍ້​ລວມ​ຂອງການ​ປຶກ­ສາ​ຫາ­ລື​ໃນ​ກອງ​ປະ­ຊຸມ​ອາແຊັບ​ຄັ້ງ​ທີ 7 ນີ້ ສະ­ແດງ​ໃຫ້​ເຫັນວ່າ​ ອາ​ແຊັບ​ໄດ້​ຫັນ​ໄປ​ທັນ​ກັບ​ຄວາມຮຽກ­ຮ້ອງ​ຕ້ອງ­ການ​ຂອງ​ຍຸກ​ສະໄຫມ ແລະ ຖື​ສຳ­ຄັນ​ຄວາມ​ມຸ່ງ​ມາດປາ­ຖະ­ຫນາ​ຂອງ​ບັນ­ດາ​ປະ­ຊາ​ຊາດ​ທີ່ຢາກ​ມີ​ຊີ­ວິດ​ການ​ເປັນ​ຢູ່​ທີ່​ດີ​ຂຶ້ນ​ບົນພື້ນ­ຖານ​ຄວາມ​ເຂົ້າ​ອົກ​ເຂົ້າ­ໃຈ​ເຊິ່ງກັນ ແລະ ກັນ ແລະ ຮ່ວມ​ມື​ກັນ​ເພື່ອບັນ­ລຸ​ຄວາມ​ສົມ­ບູນ​ພູນ​ສຸກ​ລວມ​ຂອງທົ່ວ​ໂລກ.

ໃນ​ສະ­ພາບ​ການ​ຂອງ​ໂລກ​ຍັງ​ສືບຕໍ່​ຜັນ​ແປ​ຢ່າງ​ສັບ­ສົນ ແລະ ຄາດ​ຄະເນ​ໄດ້​ຍາກ, ໄປ​ຄຽງ​ຄູ່​ກັບ​ກາ­ລະ​ໂອກາດ​ທີ່​ເປັນ​ເງື່ອນ­ໄຂ​ເອື້ອ​ອຳ­ນວຍໃຫ້­ການ​ພົວ­ພັນ​ຮ່ວມ​ມື​ລະ­ຫວ່າງ​ສອງທະ­ວີບ­ອາ­ຊີŒເອີ​ຣົບ ທີ່​ນັບ​ມື້​ໄດ້​ຮັບ​ການປັບ­ປຸງ​ດີ​ຂຶ້ນ​ໃນ​ຫລາຍ​ດ້ານ ແຕ່​ຍັງປະ​ເຊີນ​ຫນ້າ​ກັບ​ສິ່ງ​ທ້າ​ທາຍ​ຈຳ­ນວນຫນຶ່ງ​ເປັນ­ຕົ້ນ: ວິ​ກິດ​ການ​ທາງ​ດ້ານເສດ­ຖະ­ກິດ​ການ​ເງິນ; ການ​ປ່ຽນແປງ​ດິນ​ຟ້າ​ອາ­ກາດ​ຂອງ​ໂລກ​ທີ່​ພວມກະ­ທົບ​ຢ່າງ​ຮ້າຍ​ແຮງ​ຕໍ່​ກັບ​ຄວາມຫມັ້ນ­ຄົງ​ທາງ​ດ້ານ​ສະ­ບຽງ​ອາ­ຫານ; ຄວາມ​ຫລຸດ​ໂຕນ​ກັນ​ຂອງ​ລະ­ດັບການ​ພັດ­ທະ­ນາ​ລະ­ຫວ່າງ​ບັນ­ດາ​ປະເທດ​ທີ່​ພັດ­ທະ­ນາ​ແລ້ວ ແລະ ກຳ­ລັງພັດ­ທະ­ນາ ແລະ ປະ­ເທດ​ດ້ອຍ​ພັດ​ທະນາ.

ຕໍ່​ສະ­ພາບ​ການ​ດັ່ງ­ກ່າວ​ນັ້ນ, ກອງປະ­ຊຸມ​ຄັ້ງ​ນີ້ ກໍ່​ຈະ​ປຶກ­ສາ​ຫາ­ລື​ເພື່ອຫາ​ທາງ​ອອກ​ຮ່ວມ​ກັນ​ຢ່າງ​ຮີບ​ດ່ວນ 3 ບັນ­ຫາ​ຄື: ການ​ຮັບ­ປະ­ກັນ​ຄວາມຫມັ້ນ ­ຄົງ​ດ້ານ​ສະ­ບຽງ​ອາ­ຫານ, ໃນ​ເງື່ອນ­ໄຂ​ຂອງ​ການ​ປ່ຽນ­ແປງ​ດິນຟ້າ​ອາ­ກາດ​ໃນ​ປະ­ຈຸ​ບັນ; ການ​ເພີ່ມທະ­ວີ​ການ​ຮ່ວມ​ມື​ອາ­ຊີ-ເອີ​ຣົບໃນການ​ຄຸ້ມ​ຄອງ​ຫນີ້ ສາ­ທາ­ລະ­ນະ ເພື່ອ​ການ​ພັດ​ທະນາ​ແບບ​ຍືນ​ຍົງ; ການ​ເປັນ​ຄູ່ຮ່ວມ​ອາ­ຊີ-ເອີ​ຣົບ ໃນ​ການ​ເພີ່ມທະ­ວີ​ການ​ມີ​ສ່ວນ​ຮ່ວມ​ຂອງ​ສັງ ຄົມ​ເພື່ອ​ຄຸ້ມ​ຄອງ​ໄພ­ພິ­ບັດ.

ພະ­ນະ​ທ່ານ ຣິກ ທໍຟ໌ ສະ​ມາ ຊິກ​ວຸດ​ທິ​ສະ­ພາ, ຫົວ­ຫນ້າ​ຄະນະ​ຜູ້​ແທນ​ປະ­ເທດ​ແບນ​ຊິກ, ເຈົ້າ­ພາບ​ຈັດ​ກອງ​ປະ­ຊຸມ​ການເປັນ​ຄູ່​ຮ່ວມ​ລັດ​ຖະ​ສະ­ພາ​ອາ­ຊີ-ເອີ​ຣົບຄັ້ງ​ທີ 6 ກ່າວ​ໃນ​ກອງ ປະ­ຊຸມ​ອາ​ແຊັບ 7 ວ່າ: ໃນ​ກອງປະ­ຊຸມ​ຄັ້ງ​ຜ່ານ​ມາ ອາ​ແຊັບ 6 ໄດ້​ສຸມ​ໃສ່​ປຶກ­ສາ​ຫາ­ລື​ບັນ­ຫາທາງ​ດ້ານ​ການ​ເງິນ, ໂຄງ​ປະກອບ​ທາງ​ດ້ານ​ເສດ­ຖະ­ກິດ​ຂອງໂລກ ແລະ ການ​ພັດ­ທະ­ນາ​ຄວາມກ້າວ­ຫນ້າ​ທາງ​ສັງ­ຄົມລວມ​ເຖິງບັນ­ຫາ​ສິ່ງ­ແວ­ດລ້ອມ.

ໃນ​ລະ­ຫວ່າງ​ກອງ​ປະ­ຊຸມ​ອາແຊັບ 6 ທີ່​ປະ­ຊຸມ​ໄດ້​ພ້ອມ​ກັນ​ປະກອບ​ຄຳ​ຄິດ​ເຫັນ ແລະ ເນັ້ນ​ເຂົ້າໄປ​ທີ່ການ​ພັດ­ທະ­ນາ​ບັນ­ຫາດ້ານ​ສຸ­ຂະ­ພາບ, ການ​ສຶກ​ສາ,ຄວາມ​ເປັນ​ນ້ຳ​ຫນຶ່ງ​ໃຈ​ດຽວ ແລະ ການ​ພັດ­ທະ­ນາ​ພາກ​ລັດໃນ​ແຕ່​ລະ​ປະ­ເທດ ແລະ ຮຽກຮ້ອງ​ໃຫ້​ສືບ­ຕໍ່​ເອົາ­ໃຈ­ໃສ່​ສົ່ງເສີມ​ບົດ­ບາດ​ຂອງ​ແມ່­ຍິງ​ໃນທົ່ວ​ສັງ­ຄົມ ເຊິ່ງ​ສຸດ​ທ້າຍ​ຜົນ​ສະຫລຸບ​ຄື​ໃຫ້​ແຕ່​ລະ​ປະ­ເທດ​ເອົາໃຈ​ໃສ່​ຕື່ມ​ໃນ​ຂອດ​ການ​ປະສານ​ງານ​ລະ­ຫວ່າງ​ລັດ​ຖະ​ສະພາຊຸກ­ຍູ້​ເຊິ່ງ​ກັນ ແລະ ກັນ​ເພື່ອພ້ອມ​ກັນ​ກ້າວ­ຫນ້າ.

ຢ່າງ­ໃດ​ກໍ່​ຕາມ ໃນ​ກອງ​ປະຊຸມ​ການ​ເປັນ​ຄູ່​ຮ່ວມ​ລັດ​ຖະ​ສະພາ​ອາ­ຊີ-ເອີ​ຣົບ​ຄັ້ງ​ນີ້ ແມ່ນ​ມີຄວາມ​ສຳ­ຄັນ​ຢ່າງ​ຍິ່ງ​ທີ່​ໄດ້​ຍົກເອົາ​ຫລາຍ​ປະ­ເດັນ​ສຳ­ຄັນ​ຂຶ້ນມາ​ປຶກ­ສາຫນຶ່ງ​ ໃນ​ນັ້ນ​ ຄື​ບັນ­ຫາ​ວິກິດ​ເສດ­ຖະ­ກິດ​ຢູ່​ເອີ​ຣົບ​ອັນ​ຈະເປັນ​ກະ­ແຈ​ດອກ​ສຳ­ຄັນ​ໃຫ້​ສອງທະ­ວີບ​ສາ­ມາດ​ຕໍ່­ສູ້​ກັບ​ໄພ​ດ້ານເສດ­ຖະ­ກິດ​ທີ່​ອາດ​ເກີດ​ຂຶ້ນ​ໃນ​ອະ­ນາ­ຄົດ​ໄດ້.

ກອງ​ປະ­ຊຸມ​ລັດ​ຖະ​ສະ­ພາອາ­ຊີ-ເອີ​ຣົບ ຄັ້ງ​ທີ 7 (ASEP7) ຊ່ອງ​ທາງ​ເພີ່ມ​ທະ­ວີ​ການ​ຮ່ວມ​ມືດ້ານ​ເສດ­ຖະ­ກິດ ແລະ ການ​ຄ້າ ເພື່ອຂຸດ​ຄົ້ນ​ຄວາມ​ອາດ​ສາ­ມາດ​ບົ່ມ​ຊ້ອນຂອງ​ກັນ ແລະ ກັນ ແນ­ໃສ່​ຄ້ຳ​ປະກັນ​ຄວາມ​ຫມັ້ນ­ຄົງ​ດ້ານ​ສະ­ບຽງອາ­ຫານ ເພື່ອ​ຕອບ​ສະ­ຫນອງ​ຄວາມຕ້ອງ­ການ​ອັນ​ເປັນ​ພື້ນ­ຖານ​ນຳ​ເອົາຄວາມ​ສົມ­ບູນ​ພູນ​ສຸກ ແລະ ຍົກ​ລະດັບ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນສອງ​ທະ­ວີບ​ໃຫ້​ດີ​ຂຶ້ນ.

ພະ­ນະ​ທ່ານ ທອງ​ສິງ ທຳ​ມະວົງ ນາ­ຍົກ­ລັດ­ຖະ­ມົນ­ຕີ​ແຫ່ງ ສປປ ລາວ, ປະ­ທານ​ກອງ​ປະ­ຊຸມ​ສຸດຍອດ​ອາ­ຊີ-ເອີ​ຣົບ ຄັ້ງ​ທີ 9 ກ່າວ​ໃນກອງ​ປະ­ຊຸມ​ອາ​ແຊັບ ຄັ້ງ​ທີ 7 ວ່າ: ລັດ​ຖະ​ສະ­ພາ​ອາ​ແຊັບ​ເປັນ​ຕົວແທນ​ແຫ່ງ​ສິດ ແລະ ຜົນ​ປະ­ໂຫຍດຂອງ​ປະ­ຊາ­ຊົນ​ອາ­ຊີ ແລະ ເອີ​ຣົບ ເຊິ່ງ​ປະ­ຊາ­ຊົນ​ສອງ​ທະ­ວີບ​ລ້ວນ ແຕ່​ມີ​ຄວາມ​ປາ­ຖະ­ຫນາ​ໃນ​ການຢູ່​ຮ່ວມ​ກັນ​ດ້ວຍ​ໄມ­ຕີ​ຈິດ​ມິດ​ຕະ ພາບ, ເພີ່ມ​ທະ­ວີ​ການ​ຊ່ວຍ­ເຫລືອ ເຊິ່ງ​ກັນ ແລະ ກັນ ເພື່ອ​ການ​ພັດທະ​ນາ​ໄປ​ສູ່​ຄວາມ​ຈະ­ເລີນ​ຮຸ່ງ­ເຮືອງຂອງ​ພວກ​ເຮົາ.

ດັ່ງ­ນັ້ນ, ລັດ­ຖະ­ບານ​ແຫ່ງ ສປປ ລາວ ເຫັນ​ວ່າ​ກອງ​ປະ­ຊຸມ​ອາ​ແຊັບຄັ້ງ​ນີ້ ຄວນ​ສຸມ​ໃສ່​ຫາ­ລື​ປະ­ເດັນຕ່າງໆ​ທີ່​ປະ­ຊາ­ຊົນ​ສອງ​ທະ­ວີບ​ພວມຄອງ​ຄອຍ. ໃນ​ນັ້ນ ຄວນ​ຄົ້ນ­ຄວ້າຊອກ​ຫາ​ຊ່ອງ​ທາງ​ເພີ່ມ​ທະ­ວີ​ການຮ່ວມ​ມື​ດ້ານ​ເສດ­ຖະ­ກິດ ແລະ ການຄ້າ ແນ­ໃສ່​ຂຸດ​ຄົ້ນ​ຄວາມ​ອາດ​ສາ­ມາດບົ່ມ​ຊ້ອນ ຂອງ​ກັນ ແລະ ກັນ; ພ້ອມ​ນັ້ນ ຕ້ອງ​ຊຸກ­ຍູ້​ຢ່າງ​ແຂງ­ແຮງ​ການ​ຮ່ວມມື​ໃນ​ຂົງ­ເຂດ​ການ​ຜະ­ລິດ​ກະ­ສິ­ກຳ ໂດຍ​ມີ​ໂຄງ­ການ​ຄ້ຳ­ປະ­ກັນ​ຄວາມຫມັ້ນ­ຄົງ​ທາງ​ດ້ານ​ສະ­ບຽງ​ອາຫານ ເຊິ່ງ​ມີ​ຄວາມ​ຈຳ­ເປັນ​ທີ່​ສຸດ ເພາະ​ປະ­ຈຸ​ບັນ​ສະ­ພາບ​ດິນ​ຟ້າ​ອາກາດ​ມີ​ການ​ປ່ຽນ­ແປງ​ຜິດ​ປົກ­ກະ­ຕິ ຖ້າ​ບໍ່​ມີ​ມາດ​ຕະ­ການ​ຮ່ວມ​ກັນ​ທີ່​ແທດ­ເຫມາະ​ກັບຄວາມ​ເປັນ​ຈິງ​ປະ­ຊາ­ຊົນ​ຂອງພວກ​ເຮົາ​ກໍ່​ຈະ​ປະ­ສົບ​ບັນ­ຫາຂາດ­ແຄນ​ສະ­ບຽງ​ອາ­ຫານ ເຊິ່ງ​ເປັນ​ສາ­ເຫດ​ຕົ້ນ­ຕໍ​ອັນ​ຫນຶ່ງ​ແຫ່ງ​ການ​ກໍ່­ໃຫ້­ເກີດ​ມີ​ໄພ​ອັນ­ຕະ­ລາຍຂອງ​ຄວາມ​ບໍ່​ສະ­ຫງົບ.

ຄຽງ​ຄູ່​ກັນ​ນັ້ນ, ຍັງ​ມີ​ຄວາມຈຳ­ເປັນ​ຕ້ອງ​ຊອກ​ຫາ​ຊ່ອງ​ທາງ ເພື່ອ​ຕອບ​ສະ­ຫນອງ​ຄວາມ​ຮຽກຮ້ອງ​ຕ້ອງ­ການ​ອັນ​ເປັນ​ພື້ນ­ຖານຂອງ​ປະ­ຊາ­ຊົນ​ເປັນ­ຕົ້ນ: ການຍົກ​ລະ­ດັບ​ຊີ­ວິດ​ການ​ເປັນ​ຢູ່ ແລະ ຄວາມ​ຫມັ້ນ­ຄົງ​ໃຫ້​ດີ​ຂຶ້ນ, ກ້າວໄປ​ສູ່​ການ​ນຳ​ເອົາ​ຄວາມ​ສົມ­ບູນພູນ​ສຸກ​ມາ​ໃຫ້​ປະ­ຊາ­ຊົນ​ສອງ​ທະວີບ  ເພື່ອ​ບັນ­ລຸ​ເປົ້າ​ຫມາຍ​ດັ່ງ­ກ່າວຕ້ອງ​ທຸ່ມ​ເທ​ເຫື່ອ­ແຮງ, ສະ­ຕິ​ປັນ­ຍາ​ເພື່ອ​ເປັນ​ຮູບ​ແບບ​ໃນ​ການ​ພັດທະ​ນາ ແລະ ການ​ຮ່ວມ​ມື​ໃຫ້ສອດ­ຄ່ອງ​ກັບ​ຈຸດ​ພິ­ເສດ​ຂອງ​ຍຸກ ປະ­ຈຸ​ບັນ ເຊິ່ງ​ເປັນ​ຍຸກ​ແຫ່ງ​ການຮ່ວມ​ມື​ສາ­ກົນ.

ປະ­ຈຸ​ບັນ ໂລກ​ຂອງ​ພວກ​ເຮົາໄດ້​ຮັບ​ຜົນ​ກະ­ທົບ​ຈາກ​ວິ​ກິດ​ການເງິນ​ເຊິ່ງ​ທະ­ວີບ­ອາ­ຊີ ແລະ ເອີ​ຣົບຕົກ​ຢູ່​ໃນ​ສະ­ພາບ​ດັ່ງ­ກ່າວ, ສະນັ້ນ ກອງ​ປະ­ຊຸມ​ອາ​ແຊັບຄັ້ງ​ທີ 7 ນີ້ ຈະ​ໄດ້​ຄົ້ນ­ຄວ້າ​ຊອກ​ຮູບ​ແບບການ​ພັດທະ​ນາ​ທີ່​ຫມັ້ນ­ຄົງ​ຍືນ​ຍົງ ໂດຍ​ສົ່ງ­ເສີມ​ຮ່ວມ​ມື​ຕ່າງ​ຝ່າຍຕ່າງ​ໄດ້​ຮັບ​ຜົນ​ປະ­ໂຫຍດ, ຮັບປະ­ກັນ​ຄວາມ​ສົມ​ດຸນ ແລະ ຕິດພັນ​ກັນ​ຢ່າງ​ກົມ­ກຽວ​ລະ­ຫວ່າງການ​ພັດ­ທະ­ນາ​ເສດ­ຖະ­ກິດ-ສັງຄົມ​ກັບ​ການ​ປົກ​ປັກ​ຮັກ­ສາ​ສິ່ງແວດ​ລ້ອມ ສຸມ​ໃສ່​ຊ່ວຍ­ເຫລືອກັນ ເພື່ອ​ບັນ­ລຸ​ເປົ້າ​ຫມາຍ​ສະ­ຫັດສະ​ວັດ​ດ້ານ​ການ​ພັດ­ທະ­ນາ​ໃນ​ປີ 2015.

ທ່ານ​ນາ­ຍົກ­ລັດ­ຖະ­ມົນ­ຕີ​ແຫ່ງ ສປປ ລາວ ກ່າວ​ອີ​ກວ່າ: ໃນ ເດືອນ​ພະ­ຈິກ 2012 ທີ່​ຈະ​ມາເຖິງ​ນີ້ ສປປ ລາວ ຈະ​ເປັນ​ເຈົ້າພາບ​ຈັດ​ກອງ​ປະ­ຊຸມ​ສຸດ​ຍອດ​ອາຊີ-ເອີ​ຣົບ ຄັ້ງ​ທີ 9 ທີ່​ນະ­ຄອນຫລວງ​ວຽງ​ຈັນ ປະ­ຈຸ​ບັນ ດ້ວຍຄວາມ​ຮັບ­ຜິດ­ຊອບ​ຂອງ​ຕົນ, ການ​ຊ່ວຍ­ເຫລືອ, ການ​ຮ່ວມ​ມືຂອງ​ບັນ­ດາ​ປະ­ເທດ​ເພື່ອນ​ມິດ, ການ​ກະ­ກຽມ​ດ້ານ​ຕ່າງໆ​ໄດ້​ສຳເລັດ​ໂດຍ​ພື້ນ­ຖານ​ແລ້ວ ແລະ ເຊື່ອ​ວ່າ​ຈະ​ໄດ້​ຮັບ​ການ​ສະ­ຫນັບສະ​ຫນູນ​ຮ່ວມ​ມື​ຈາກ​ບັນ­ດາ​ປະເທດ​ສະ­ມາ­ຊິກ​ອາ​ເຊັມ​ກໍ່​ຄື​ລັດຖະ​ສະ­ພາ​ອາ­ຊີ-ເອີ​ຣົບ ເພື່ອ​ຮັບປະ­ກັນ​ໃຫ້​ກອງ​ປະ­ຊຸມ​ທີ່​ສຳ­ຄັນທັງ​ສອງ​ນີ້ ໂດຍ​ການ​ເປັນ​ເຈົ້າພາບ​ຂອງ ສປປ ລາວ ໄດ້​ຮັບ​ຜົນສຳ­ເລັດ​ຕາມ​ຈຸດ­ປະ­ສົງ ແລະ ຄາດ­ຫມາຍ, ປະ­ກອບ­ສ່ວນ​ຊຸກຍູ້​ສົ່ງ­ເສີມ​ການ​ຮ່ວມ​ມື​ລະ­ຫວ່າງສອງ​ທະ­ວີບ​ກ້າວ​ຂຶ້ນ​ຢ່າງ​ບໍ່​ຢຸດຢັ້ງ, ນຳ​ຜົນ​ປະ­ໂຫຍດ ແລະ ຄວາມ​ສົມ­ບູນ​ພູນ​ສຸກ​ມາ­ສູ່​ປະ­ຊາຊົນ​ສອງ​ທະ­ວີບ ທັງ​ເປັນ​ການ​ປະກອບ​ສ່ວນ​ສຳ­ຄັນ​ເຂົ້າ​ໃນ​ການຮ່ວມ​ມື​ເພື່ອ​ການ​ພັດ­ທະ­ນາ ແລະ ຄວາມ​ຈະ­ເລີນ​ຮັ່ງ­ມີ​ຂອງ​ໂລກ.

Categories: Uncategorized | Tags:

ຮອງນາຍົກລາວ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ

ຮອງນາຍົກລາວ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ

Posted on October 4, 2012 by amphon
 
1
 
0

 

 
Rate This

 

ດຣ ທອງລຸນ ສີສຸລິດ ຮອງນາຍົກລັດຖະມົນຕີ ແລະລັດຖະມົນຕີ ການຕ່າງປະເທດ ສປປ ລາວ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສະຫະປະຊາຊາດ ໃນວັນທີ 28 ກັນຍາ 2012 (UN Photo)

ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີແລະລັດຖະມົນຕີການຕ່າງປະເທດ ສປປ ລາວ ໄດ້ກ່າວຄຳປາໄສຕໍ່ກອງປະຊຸມສະມັດຊາໃຫຍ່ສະຫະປະຊາຊາດສະໄໝທີ 67 ໃນມື້ວັນສຸກ
ສັບປະດາແລ້ວນີ້ ຊຶ່ງທ່ານໄດ້ເວົ້າເຖິງ ຫລາຍໆເລື່ອງ ຮວມທັງຄວາມວຸ້ນວາຍ ໃນພາກຕາເວັນ ອອກກາງ ວິກິດການດ້ານການເງິນໃນຢູໂຣບ ການເຈລະຈາກ່ຽວກັບການປ່ຽນແປງຂອງດິນຟ້າ Read more »

Categories: Uncategorized

ທ່ານເຄີຍໄດ້ຣັບໃຊຊະນະແລ້ວຫລືຍັງ….

ທ່ານເຄີຍໄດ້ຣັບໃຊຊະນະແລ້ວຫລືຍັງ….

ອັກໂກເທນະ ຊິເນ ໂກທັງ

ອະສາທຸງ ສາທຸນາ ຊິເນ

ຊິເນ ກະທະຣິຍັງ ທາເນນະ

ສັຈເຈນາລິກະວາທິນັງ ຯ

Categories: Uncategorized

ມີຄົນສະເໜີມາ…ກໍ່ເລີຍສະໜອງໃຫ້===ຍີ້ມກ່ອນອ່ານ ແຕ່ບໍ່ຕ້ອງເຮັດຕາຫວານນະ

ມີຄົນສະເໜີມາ…ກໍ່ເລີຍສະໜອງໃຫ້===ຍີ້ມກ່ອນອ່ານ ແຕ່ບໍ່ຕ້ອງເຮັດຕາຫວານນະ

ຂໍອະນຸໂມທະນາບຸນ ແລະ
ຂໍສະແດງຄວາມຊື່ນຊົມຍິນດີນຳທ່ານ
ທີ່ມີຄວາມສົນໃຈໃຜ່ຮູ້ໃນເລື່ອງທັມມະທັມໂມ
ຄູບາໄດ້ອ່ານ ຄອມເມັ້ນ ແລະບລັອກຂອງພີ່ນ້ອງຊາວຍີ້ມລາວ
ສ່ວນໃຫຍ່ແລ້ວເຫັນວ່າ
ຫລາຍທ່ານຫລາຍຄົນເວົ້າເລື່ອງຄວາມສຸກ ຄວາມທຸກ
ກັມ(ການກະທຳດີ ບໍ່ດີ(ຊົ່ວ)) ກັນຫລາຍພໍສົມຄວນ
ເຫັນທ່ານຖາມຫາຄວາມສຸກ…ບໍ່ຮູ້ວ່າຫາເຫັນແລ້ວບໍນໍ?
ຖ້າຍັງບໍ່ເຫັນມາອ່ານນີ້…(ຄູບາຂໍຕອບໃນຖານະລູກສິດຂອງພຣະພຸດທະເຈົ້າ)
ທ່ານອາດເຄີຍໄດ້ຍິນຄຳວ່າ….
ສຸກຫລືທຸກຢູ່ທີ່ໃຈ ບໍ່ແມ່ນຫລື
ຖ້າໃຈຖືກໍ່ເປັນທຸກບໍ່ສຸກສັນ
ຫາກປ່ອຍວາງກໍ່ເປັນສຸກທຸກນິລັນ
ແລ້ວແຕ່ທ່ານຈະເລືອກທຸກ ຫລືສຸກເອີຍ
ຈາກກອນນີ້ ເຫັນໄດ້ງ່າຍໆກໍ່ຄື… ຄວາມສຸກຫລືທຸກແມ່ນຢູ່ທີ່ໃຈຂອງເຮົານັ້ນເອງ
ຖ້າເຮົາຄິດວ່າໃຈເຮົາເປັນສຸກ…ເຮົາກໍ່ມີຄວາມສຸກແລ້ວ
ແຕ່ຖ້າເຮົາຄິດຢາກໄດ້ນັ້ນ ຢາກເປັນນີ້…ເຮົາກໍ່ຈະມີແຕ່ຄວາມທຸກໃນໃຈ
ສະຫລຸບງ່າຍໆກໍ່ຄື… ຫາກເຮົາຮູ້ຈັກຄຳວ່າ..ພໍ…(Sufficiency)
ພໍໃຈໃນສີ່ງທີ່ມີ ດີໃຈໃນສີ່ງທີ່ເປັນ…ພຽງເທົ່ານີ້ກໍ່ສາມາດເຮັດໃຫ້ເຮົາມີຄວາມສຸກ
ໄດ້ຕະຫລອດປີ ແລະຕະຫຼອດໄປ…ແຕ່ກົງກັນຂ້າມ ເມື່ອໃດທີ່ເຮົາຍັງມີກິເລດ(ຄວາມຢາກໄດ້ ຢາກມີ,ຢາກເປັນ…)ເມື່ອນັ້ນ ເຮົາກໍ່ຈະຍັງມີຄວາມທຸກ…..

ສະນັ້ນ ຈື່ງຂໍຝາກໃຫ້ທ່ານເລືອກເອົາ…ຕາມໃຈທ່ານ
ພຣະພຸດທະເຈົ້າສອນໄວ້ວ່າ ທ່ານທັງຫລາຍຈົ່ງຊຳລະລ້າງຈິດໃຈຂອງທ່ານດ້ວຍ ສີນ ສະມາທິ ແລະປັນຍາ…ແລ້ວກໍ່ກຳຫນົດຮູ້ປັດຈຸບັນ ກຳຫນົດທັນກະແສຂອງຈິດ(ເພື່ອບໍ່ໃຫ້ເກີດກິເລດ)
ແລ້ວຂະເຮັດໃຫ້ຈິດໃຈຂອງທ່ານ ສະອາດ ສະຫວ່າງ ແລະສະຫງົບ…ໃນທີ່ສຸດ
///////ຈະເລີນທັມ…ແລະຂໍໃຫ້ທ່ານທີ່ເສຍສະຫຼະເວລາອ່ານນີ້ ຈົ່ງໄດ້ຮັບອານິສົງແຫ່ງບຸນ ກຸສົນ ທີ່ເກີດຈາກຈິດໃຈອັນບໍລິສຸດ ດຸດດັງຜ້າຂາວ ອັນປາສະຈາກສີ ແລະຄວາມເສົ້າໝອງ ສ່ອງໃສຈ້າ ດັ່ງພະຈັນວັນເພັງຂື້ນສິບຫ້າຄ່ຳ…ດ້ວຍເຖີ້ນ
ຈາກ ທັມມະເພື່ອຊີວິດ ຢູ່ໃກ້ຊິດທ່ານຜູ້ໃຜ່ບຸນຕະຫລອດຊາວສີ່ຊົ່ວໂມງ//////

Categories: Uncategorized

ປະທານສະພາສຳເລັດການເຂົ້າຮ່ວມກອງປະຊຸມໄອປາຄັ້ງທີ 33 ທີ່ອິນໂດເນເຊຍ

ພາຍຫລັງທີ່ ທ່ານ ນາງ ປານີ ຢ່າ​ທໍ່​ຕູ້ ປະທານ​ສະພາ​ແຫ່ງ​ຊາດລາວ ​ແລະ ຄະນະ​ໄດ້​ສຳ​ເລັດ​ການເຂົ້າຮ່ວມ​ກອງ​ປະຊຸມ​ໃຫຍ່ສະມັດຊາ​ ແຫ່ງ​ລັດຖະສະພາ ລະຫວ່າງ ຊາດ​ອາ​ຊຽນຄັ້ງທີ 33 (​ໄອ​ປາ) ແຕ່​ວັນ​ທີ 17 ຫາ 21 ກັນຍາ 2012 ຢູ່​ທີ່​ເມືອງລົມ​ບົກ, ສາທາລະນະ​ລັດ​ອິນ​ໂດ​ເນ​ເຊຍ​, ​ ​ພິທີ​ຕ້ອນຮັບ​​ໄດ້ຈັດ​ຂຶ້ນຢ່າງສົມກຽດໃນ​ວັນ​ທີ 24 ກັນ​ຍາ 2012 ຢູ່​ທີ່​ສະພາ​ແຫ່ງ​ຊາດ,

ພາຍຫລັງທີ່ ທ່ານ ນາງ ປານີ ຢ່າ​ທໍ່​ຕູ້ ປະທານ​ສະພາ​ແຫ່ງ​ຊາດລາວ ​ແລະ ຄະນະ​ໄດ້​ສຳ​ເລັດ​ການເຂົ້າຮ່ວມ​ກອງ​ປະຊຸມ​ໃຫຍ່ສະມັດຊາ​ ແຫ່ງ​ລັດຖະສະພາ ລະຫວ່າງ ຊາດ​ອາ​ຊຽນຄັ້ງທີ 33 (​ໄອ​ປາ) ແຕ່​ວັນ​ທີ 17 ຫາ 21 ກັນຍາ 2012 ຢູ່​ທີ່​ເມືອງລົມ​ບົກ, ສາທາລະນະ​ລັດ​ອິນ​ໂດ​ເນ​ເຊຍ​, ​ ​ພິທີ​ຕ້ອນຮັບ​​ໄດ້ຈັດ​ຂຶ້ນຢ່າງສົມກຽດໃນ​ວັນ​ທີ 24 ກັນ​ຍາ 2012 ຢູ່​ທີ່​ສະພາ​ແຫ່ງ​ຊາດ,

ໃຫ້​ກຽດ​​​ເຂົ້າຮ໋ວມຂອງ ທ່ານ ດຣ ໄຊ​ສົມ​ພອນ ພົມວິຫານ, ຮອງ​ປະທານ​ສະພາ​ແຫ່ງ​ຊາດ, ທ່ານ ເກຼຍຟາ​ມີ ​ປາສາຣີບູ ເອກ​ອັກຄະ​ລັດຖະທູດ ​ວິສາມັນ​ຜູ້​ມີ​ອຳນາດ​ເຕັມ​ແຫ່ງສາທາລະນະ​ລັດ​ປະ​ເທດ​ອິນ​ໂດ​ເນ​ເຊຍປະ​ຈຳ ສປປ ລາວ, ມີ​ບັນດາ​ຄະນະ​ປະ​ຈຳ, ຫົວໜ້າ​ກົມ​ພ້ອມ​ດ້ວຍ​ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ການເຂົ້າ​ຮ່ວມ​ກອງ​ປະຊຸມ​ດັ່ງກ່າວ​ທ່ານ​ປະທານ​ສະພາ​ແຫ່ງ​ຊາດ​ລາວ ​ໄດ້​ຮ່ວມ​ກັບ​ບັນດາ​ຫົວໜ້າ​ຄະນະ​ຜູ້​ແທນ​ສະມາຊິກ​ໄອ​ປາ​​ ລົງ​ນາມ​ຮັບຮອງ​ເອົາ​ຖະ​ແຫລ​ງການ​ຮ່ວມ​ກອງ​ປະຊຸມ ​ແລະ ມະຕິ​ຕ່າງໆ​ເປັນຕົ້ນ​ແມ່ນ​ມະຕິ​ກ່ຽວ​ກັບ​ບັນຫາ​ການ​ເມືອງ​ໄດ້​ຊຸກຍູ້ ແລະ ສົ່ງ​ເສີມ​ປະ​ເທດ​ອາ​ຊຽນຈັດຕັ້ງປະຕິບັດ​ແນວ​ຄວາມ​ຄິດ​ລິ​ເລີ່ມ​ເພີ່ມ​ທະວີ​ ສ້າງ​ສະຕິ ແລະ ຊຸກຍູ້​ສົ່ງ​ເສີມ ​ການ​ມີ​ສ່ວນ​ຮ່ວມ​ຂອງ​ສັງຄົມ, ພົນລະ​ເຮືອນ​ໃນ​ການ​ສ້າງ​ປະຊາ​ຄົມ​ອາ​ຊຽນ, ການ​ປົກ​ປັກ​ຮັກສັນ​ຕິ​ພາບ ​ແລະ ​ຄວາມ​ໝັ້ນຄົງ​ໃນ​ຂົງ​ເຂດ ​ແລະ ບົດ​ລາຍ​ງານ​ກ່ຽວ​ກັບ​ກອງ​ປະຊຸມ​ ສຸດ​ຍອດ​ອາ​ຊຽນທີ່​ຈັດ​ຂຶ້ນຢູ່​ພະນົມ​ເປັນ​ປະ​ເທດ​ກຳປູ​ເຈຍ ​ແລະ ບັນຫາ​ອື່ນໆ​ຕື່ມ​ອີກ./.

Categories: Uncategorized

News

Categories: Uncategorized

News

Categories: Uncategorized

ວິນາພາເວ ອະສັງສະເຍ ແປວ່າ ບໍ່ວັນໃດກໍ່ວັນຫນື່ງ ເຮົາຈະພາກຈາກກັນໄປ

Categories: Uncategorized | Tags:

บลอกที่ WordPress.com .